Jawan Special Screening : బాలీవుడ్ బాద్షా షారుక్ ఖాన్- తమిళ స్టార్ డైరెక్టర్ అట్లీ కాంబోలో తెరకెక్కిన సినిమా 'జవాన్'. ప్రపంచవ్యాప్తంగా ఈ సినిమా గురువారం థియేటర్లలో గ్రాండ్గా విడుదలైంది. ఇప్పటికే రిలీజైన సాంగ్స్, ట్రైలర్ సినిమాకు ఓ రేంజ్లో హైప్ ఇవ్వగా.. ఫ్యాన్స్ కూడా ఈ సినిమా రిలీజ్ కోసం ఎంతగానో ఎదురుచూశారు. ఈ క్రమంలో సినిమా చూసేందుకు ఫ్యాన్స్.. ఉదయాన్నే థియేటర్లకు చేరుకుని సందడి చేశారు. భారీ కటౌట్లు ఏర్పాటు చేసిన అభిమానులు.. డ్యాన్స్లు చేస్తూ కనువిందు చేశారు. దీంతో ఆ ప్రాంతమంతా పండుగ వాతావరణం నెలకొంది.
ఇక అభిమానులతో పాటు పలువురు సినీ ప్రముఖులు 'జవాన్' చూసేందుకు థియేటర్లకు వెళ్లారు. సినిమా రిలీజ్కు ముందు.. యష్ రాజ్ స్టూడియోలో బుధవారం సాయంత్రం ప్రత్యేక స్క్రీనింగ్ ఏర్పాటు చేశారు. ఈ స్క్రీనింగ్లో పలువురు సినీ తారలు మెరిశారు. ఈ ఈవెంట్కు షారుక్తో పాటు ఆయన భార్య గౌరీ ఖాన్, కుమార్తె సుహానా ఖాన్ హాజరవ్వగా.. బాలీవుడ్ బ్యూటీ దీపికా పదుకొణె, కత్రినా కైఫ్, స్టార్ హీరో హృతిక్ రోషన్ వచ్చారు.
'జవాన్' టైటిల్ ట్రాక్ పాడిన సింగర్ రాజ కుమారి, సునీల్ గ్రోవర్, సన్యా మల్హోత్రా, నిర్మాత ముఖేష్ ఛబ్రాతో పాటు ఇతర 'జవాన్' మూవీ టీమ్ మెంబర్స్ ఈ స్క్రీనింగ్కు హాజరై సందడి చేశారు. ప్రస్తుతం దీనికి సంబంధించిన వీడియోలు నెట్టింట తెగ ట్రెండ్ అవుతున్నాయి.