Jawan Day 5 Box Office Collection :బాలీవుడ్ బాద్షా షారుక్ ఖాన్- అట్లీ కాంబినేషన్లో తెరకెక్కిన 'జవాన్' మూవీ.. రిలీజైన రోజు నుంచి రికార్డు స్థాయిలో కలెక్షన్లు అందుకుని బాక్సాఫీస్ వద్ద దూసుకెళ్తోంది. తొలి రోజు రూ. 75 కోట్లు వసూలు చేసిన ఈ సినిమా.. క్రమ క్రమంగా వసూళ్లను పెంచుకుంటూ సంచలనాలు సృష్టిస్తోంది. ఇక ఐదో రోజు ఈ సినిమా ఇండియాలో రూ.30 కోట్ల నెట్ వసూలు చేసినట్లు ట్రేడ్ వర్గాల సమచాారం.
ఇక ఓవర్సీస్ లో రూ.177 కోట్ల వసూళ్లతో... రూ.316 కోట్ల నెట్ అందుకుంది. మరోవైపు ప్రపంచవ్యాప్తంగా ఈ సినిమా ఐదు రోజుల్లో రూ.520 కోట్లు రాబట్టినట్లు ట్రెడ్ వర్గాలు వెల్లడించాయి. ఈ క్రమంలో 2023లో భారతదేశంలో రూ. 300 కోట్ల మార్కును దాటిన మూడవ బాలీవుడ్ చిత్రంగా 'జవాన్' చరిత్రకెక్కింది.
Sharukh Khan Jawan Movie Collection : 'పఠాన్' తొలి రోజు రూ.57 కోట్లు సంపాదించగా.. 'జవాన్' మాత్రం రూ. 75 కోట్లు వసూలు చేసి టాప్కు చేరుకుంది. ఈ క్రమంలో షారుక్ మరో రికార్డును అందుకున్నారు. ఒకే ఏడాదిలో రిలీజైన రెండు సినిమాలకు రూ. 50 కోట్లకు పైగా వసూలు సాధించిన ఏకైక ఇండియన్ స్టార్గా చరిత్రకెక్కాడు. ఆయన నటించిన రెండు సినిమాలు ఇలా ఒకదానికి మించి ఒకటి రికార్డు స్థాయిలో వసూలు సాధించడం పట్ల షారుక్ ఫ్యాన్స్ ఆనందం వ్యక్తం చేస్తున్నారు. నెట్టింట 'జవాన్' సినిమాను ట్రెండ్ చేస్తున్నారు.