Jawan Day 3 Collections :ఎక్కడ చూసినా ఇప్పుడు 'జవాన్' మేనియా నడుస్తోంది. సెప్టెంబర్ 7న ప్రపంచవ్యాప్తంగా గ్రాండ్గా విడుదలైన ఈ సినిమా.. ఇప్పుడు బాక్సాఫీస్ వద్ద సంచలనాలు సృష్టించుకుంటూ దూసుకెళ్తోంది. తొలి రోజు సుమారు రూ.75 కోట్లు సంపాందించిన ఈ మూవీ.. రెండో రోజు దాదాపు రూ.53 కోట్లు అందుకుంది. ఇక మూడో రోజు ఈ సినిమా రూ. 74 కోట్లకు పైగా కలెక్షన్స్ సంపాదించి తన జైత్రయాత్రను కొనసాగిస్తోంది. రెండు రోజుల్లో 240 కోట్లు అందుకున్న ఈ చిత్రం.. ఈ మూడో రోజు కలెక్షన్తో 300 కోట్ల మార్క్ను దాటేసింది. చూస్తుంటే వీకెండ్స్లో ఈ సినిమా ఇంతకంటే ఎక్కువ సంపాదించి త్వరలోనే 500 కోట్ల మార్క్ను దాటేలా ఉందని ట్రేడ్ వర్గాలు అంటున్నాయి.
Shahrukh Fans Celebrations :మరోవైపు ఈ సినిమా రిలీజ్ను ఓ పండుగలా చేసుకున్న అభిమానులు ఆ వేడుకలను ఇంకా కొనసాగిస్తున్నారు. దేశవ్యాప్తంగా ఉన్న పలు థియేటర్ల వద్ద కింగ్ ఖాన్ ఫ్యాన్స్.. షారుక్ భారీ కటౌట్కు పాలాభిషేకం చేస్తున్నారు. డ్యాన్స్లు, బాణాసంచాలతో సంబరాలు చేసుకుంటున్నారు. ఇక స్క్రీన్పై ఆయన కనిపించినప్పుడల్లా షారుక్ నినాదాలతో సందడి చేస్తున్నారు. ప్రస్తుతం దీనికి సంబంధించిన ఫొటోలు, వీడియోలు నెట్టింట తెగ ట్రెండ్ అవుతోంది.