Jawan Advance Bookings Collection :బాలీవుడ్ బాద్షా షారుక్ ఖాన్ హీరోగా భారీ బడ్జెట్తో రూపొందిన చిత్రం 'జవాన్'. ఈ సినిమాను తమిళ స్టార్ దర్శకుడు అట్లీ తెరకెక్కించారు. దక్షిణాది లేడీ సూపర్ స్టార్ నయనతార ఈ సినిమాలో హీరోయిన్గా నటించారు. ఇప్పటికే రిలీజైన ట్రైలర్, సాంగ్స్కు మంచి స్పందన లభిస్తోంది. రీసెంట్గా చెన్నైలో ఈ సినిమా ప్రీ రిలీజ్ ఈవెంట్ను కూడా ఘనంగా నిర్వహించారు. ఇక సెప్టెంబర్ 7న ఈ సినిమా ప్రపంచవ్యాప్తంగా థియేటర్లలో విడుదల కానుంది.
Jawan Release Date : అయితే సినిమా విడుదల తేదీ దగ్గరపడుతున్నందున 'జవాన్' అడ్వాన్స్ బుకింగ్ సేల్స్ ఊపందుకున్నాయి. దేశవ్యాప్తంగా ఇప్పటికే 6 లక్షల టికెట్లు అమ్ముడైపోయినట్లు తెలుస్తోంది. ఇందులో అత్యధికంగా 5.41 లక్షలకుపై (వీటి విలువ సుమారు రూ. 15.59 కోట్లు) హిందీ వెర్షన్ టికెట్లు ఉండగా.. తమిళ్ వెర్షన్ 20 వేలు, తెలుగులో 16 వేల టికెట్లు బుక్ అయ్యాయట. అంటే ఈ ప్రీ బుకింగ్స్ విలువ సుమారు రూ. 16.93 కోట్లు ఉంటుందని ట్రేడ్ వర్గాల అంచనా.
Jawan Overseas Advance Booking :ఓవర్సీస్లోనూ షారుక్ మార్క్ కనిపిస్తోంది. యూకేలో ఇప్పటివరకూ అడ్వాన్స్ సేల్స్ 1,50,000 పౌండ్లు వసూల్ చేసింది. అయితే ఇప్పటివరకూ అక్కడ ఓపెనింగ్ సేల్స్లో.. షారుక్ 'పఠాన్' 3,19,000 పౌండ్లతో టాప్లో ఉంది. ఇక 'జవాన్' సినిమాకు మరో మూడు రోజుల సమయం ఉంది కాబట్టి.. ఆ రికార్డును 'జవాన్' పక్కా బ్రేక్ చేస్తుందని ట్రేడ్ వర్గాలు చెబుతున్నాయి. మరోవైపు యూఎస్లో కూడా 'జవాన్' బుకింగ్స్ దూసుకుపోతున్నాయి. ఇప్పటివరకూ ప్రీ బుకింగ్స్లో 4,01,755 డాలర్ల సేల్స్తో రికార్డు కొట్టింది. 450పైగా లొకేషన్స్లో 26,765 టికెట్లు బుక్కైనట్లు తెలుస్తోంది.