నవీన్ పోలిశెట్టి.. క్యారక్టర్ ఆర్టిస్ట్గా కెరీర్ మొదలు పెట్టి సుధీర్ఘ కాలం తర్వాత ఏజెంట్ సాయి శ్రీనివాస ఆత్రేయ సినిమాతో హిట్ అందుకున్నాడు. ఆ తర్వాత జాతి రత్నాలు సినిమాతో అనతి కాలంలోనే తెలుగు ప్రేక్షకుల హృదయాలను గెలిచాడు. చాలా మంది అభిమానులను సొంతం చేసుకున్నాడు. ఇప్పుడు ఈ 'యంగ్ సెన్సేషన్' సినిమా కోసం ప్రేక్షకులు ఎదురుచూస్తున్నారు. ఇంతకుముందు ఓ వీడియోతో అప్టేట్ ఇచ్చారు. అందులో తనదైన కామెడీ టైమింగ్తో సినిమాపై అంచనాలను పెంచేశారు. ఇప్పుడు కొత్త ఏడాదిలోనైనా ఫ్రెష్‌ ఏమైనా అప్డేట్ ఉంటుందా? అదే విషయంపై నవీన్.. ఓ వీడియో షేర్ చేశారు. ఇప్పుడు ఈ వీడియో ప్రేక్షకులను నవ్వులు పూయిస్తోంది.
సినిమా అప్డేట్పై నవీన్ పోలిశెట్టి ఫన్నీ వీడియో.. చూస్తే పొట్ట చెక్కలే! - నవీన్ పోలిశెట్టి కొరోనా వీడియోలు
'యంగ్ సెన్సేషన్' నవీన్ పోలిశెట్టి కొత్త సంవత్సరం సందర్భంగా ఓ వీడియోను రిలీజ్ చేశారు. ప్రస్తుతం ఈ వీడియో సోషల్ మీడియాలో చక్కర్లు కొడుతోంది. ఈ వీడియోలోని నవీన్ హావభావాలు నవ్వులు పూయిస్తున్నాయి. మీరూ చూసేయండి.
naveen polishetty
ఈ వీడియోలో నవీన్ను అందరూ.. అప్డేట్ ఎప్పుడూ అని అడుగుతుంటారు. దానికి ఈ హీరో సమాధానం దాటవేస్తూ చేసిన హావభావాలు నవ్వు తెప్పిస్తోంది. కాగా, 2022లో సినిమాను రిలీజ్ చేయని నవీన్.. పెండింగ్ ప్రాజెక్టులన్నీ పూర్తి చేసుకుని కొత్త ఏడాదిలో సందడి చేయడానికి సిద్ధమయ్యారు. ప్రస్తుతం నవీన్ పోలిశెట్టి యూవీ క్రియేషన్స్ నిర్మాణంలో అనుష్కతో కలిసి ఓ సినిమా చేస్తున్నారు. ఇదే కాకుండా సితార ఎంటర్టైన్మెంట్స్ బ్యానర్పై 'అనగనగా ఒక రాజు' అనే సినిమా చేస్తున్నారు.