దర్శకధీరుడు ఎస్ఎస్ రాజమౌళి తెరకెక్కించిన ఆర్ఆర్ఆర్ సినిమా ప్రభంజనం ఇంకా ఆగలేదు! ఎన్నో బాక్సాఫీస్ రికార్డులకు కేంద్ర బిందువుగా నిలిచిన ఈ చిత్రం.. ఓటీటీలో విడుదలైన తర్వాత అంతకు మించి ప్రభంజనం సృష్టించింది. ఇటీవల ఈ చిత్రంలోని నాటు నాటు సాంగ్ను ప్రఖ్యాత గోల్డెన్ గ్లోబ్ అవార్డ్ వరించింది. దాంతో పాటు 2023 ఆస్కార్ అవార్డులకు నామినేషన్ కూడా దక్కించుకుంది.
రామ్చరణ్ను ఆకాశానికెత్తేసిన జేమ్స్ కామెరూన్.. రాజమౌళితో మళ్లీ మాట్లాడాలని ఉందట!
దిగ్గజ దర్శకుడు జక్కన్న తెరకెక్కించిన ఆర్ఆర్ఆర్పై ప్రపంచవ్యాప్తంగా ప్రశంసల వర్షం కురుస్తోంది. 2022లో రిలీజైన ఈ సిినిమా.. ఇప్పటి వరకు ఎన్నో అవార్డులు సొంతం చేసుకుంది. అలా గోల్డెన్ గ్లోబ్ను ముద్దాడిన ఈ సినిమాను చూసిన 'అవతార్' డైరెక్టర్ జేమ్స్ కామెరూన్ అందులోని నటీనటులను పొగడ్తలతో ముంచెత్తారు. ఇక హీరో రామ్చరణ్ను ఆయన ఆకాశానికి ఎత్తేశారు. ఇంతకీ ఆయన ఏమన్నారంటే..
james cameron about hero ram charan
ఇకపోతే, అవతార్, టైటానిక్ వంటి అద్భుతమైన దృశ్యకావ్యాలను తెరకెక్కించిన హాలీవుడ్ డైరెక్టర్ జేమ్స్ కామెరూన్ ఈ సినిమాపై ప్రశంసల వర్షం కురిపించారు. లాస్ ఏంజెలిస్లో ఓ అవార్డ్ షోలో రాజమౌళిని కలిసి కాసేపు మాట్లాడారు కూడా. అప్పుడే ఆర్ఆర్ఆర్ సినిమాను మెచ్చుకున్న కామెరూన్.. ఇప్పుడు 'టైటానిక్' చిత్రం రీ రిలీజ్ అవుతున్న నేపథ్యంలో పలు మీడియా ఛానెల్స్కు ఇంటర్వ్యూ ఇచ్చారు. ఈ సందర్భంగా ఆర్ఆర్ఆర్లో హీరో రామ్చరణ్ పాత్ర గురించి మాట్లాడారు. ఆ వీడియో ప్రస్తుతం సోషల్మీడియాలో వైరల్గా మారింది.
"ఈ చిత్రంలో రామ్ చరణ్ పాత్ర నాకు ఎంతగానో నచ్చింది. ఆ పాత్రలో చాలా వేరియేషన్స్ ఉన్నాయి. వాస్తవానికి అలాంటి పాత్రలు పోషించడం చాలా కష్టం. రాజమౌళి ఆ పాత్రను తీర్చిదిద్దిన తీరు అద్భుతం. సినిమాలో కథ చెప్పిన విధానం షేక్స్పియర్ను గుర్తుచేసింది. ఇటీవలే రాజమౌళిని కలిసినప్పుడు కూడా నేను ఇదే చెప్పాను. కానీ ఎక్కువసేపు మాట్లాడుకోలేకపోయాం. ఆయనతో మళ్లీ మాట్లాడాలని అనుకుంటున్నా" అంటూ జేమ్స్ కామెరూన్ ప్రశంసలతో ముంచెత్తారు. ఈ వీడియోను రామ్ చరణ్ ఫ్యాన్స్ సోషల్మీడియాలో షేర్ చేస్తూ తమ ఆనందాన్ని పంచుకుంటున్నారు. తమ హీరోకి ప్రపంచవ్యాప్తంగా వస్తున్న ఆదరణ చూస్తుంటే చాలా గర్వంగా ఉందంటూ మురిసిపోతున్నారు. తండ్రిని మించిన తనయుడంటూ పొగడ్తలతో ముంచెత్తుతున్నారు ఫ్యాన్స్.
Last Updated : Feb 12, 2023, 2:45 PM IST