Jailer Producer Gifted Car To Director : సూపర్ స్టార్ రజనీకాంత్ నటించిన 'జైలర్' విడుదలై మూడు వారాలు దాటినప్పటికీ.. థియేటర్ల వద్ద ఇంకా ఆ హవా కొనసాగుతూనే ఉంది. భారీ అంచనాల నడుమ తెరకెక్కిన ఈ సినిమా.. ఆ అంచనాలను దాటుతూ బాక్సాఫీస్ వద్ద కాసుల వర్షం కురిపిస్తోంది. దీంతో చిత్ర యూనిట్ సంబరాలు చేసుకుంటోంది.
ఇక చిత్ర నిర్మాత, సన్ పిక్చర్స్ ఛైర్మన్ కళానిధి మారన్ ఆనందం అయితే మాటల్లో చెప్పలేనిది. ఈ విజయోత్సాహంలో మారన్.. హీరో రజనీకాంత్తో పాటు దర్శకుడు నెల్సన్ దిలీప్కుమార్కు ఓ ఊహించని సర్ప్రైజ్ ఇచ్చారు. మొదట రజనీకి ఓ బీఎమ్డబ్ల్యూ ఎక్స్7 కారును బహుమతిగా ఇచ్చిన ఆయన.. తాజాగా దర్శకుడు నెల్సన్ దిలీప్ కుమార్కు ప్రముఖ స్పోర్ట్స్ కార్ 'పోర్షా' లేటెస్ట్‌ వెర్షన్ను గిఫ్ట్గా ఇచ్చారు. దీంతో పాటు ఈ ఇద్దరికీ కొంత నగదును చెక్ రూపంలో అందజేశారు. ప్రస్తుతం దీనికి సంబంధించిన ఫొటోలు వీడియోలు సోషల్ మీడియాలో తెగ ట్రెండ్ అవుతోంది. దీన్ని చూసిన ఫ్యాన్స్ నెట్టింట రజనీ, నెల్సన్తో పాటు చిత్ర యూనిట్కు అభినందనలు తెలుపుతున్నారు.
Rajnikanth Jailer Box Office Record :నెల్సన్ దిలీప్కుమార్ తెరకెక్కించిన ఈ యాక్షన్ థ్రిల్లర్‌ సినిమా ఆగస్టు 10న ప్రపంచవ్యాప్తంగా విడుదలైంది. రిలీజైనప్పటి నుంచి బాక్సాఫీస్ వద్ద సంచలనం సృష్టించిన 'జైలర్'.. ఇప్పటికీ కాసుల వర్షం కురిపిస్తోంది. ఈ క్రమంలో కోలీవుడ్లో అత్యధిక కలెక్షన్లు (రూ. 600 కోట్లకుపైగా) వసూల్ చేసిన రెండో సినిమాగా నిలిచింది. అయితే ఈ లిస్ట్లో రూ.665 కోట్లతో రోబో 2.O(Robot 2.0) మొదటి స్థానంలో ఉంది. అయితే ఈ రెండు సినిమాలు రజనీయే కావడం విశేషం.