Jailer Ott Release Date : తమిళ సూపర్ స్టార్ రజనీకాంత్లీడ్ రోల్లో తెరకెక్కిన చిత్రం 'జైలర్'. దర్శకుడు నెల్సన్ దిలీప్కుమార్.. ఈ సినిమాను యాక్షన్‌ థ్రిల్లర్‌ జోనర్లో తెరకెక్కించారు. ఆగస్టు 10న విడుదలైన 'జైలర్'.. ఇప్పటికీ కాసుల వర్షం కురిపిస్తోంది. ఈ క్రమంలో కోలీవుడ్లో అత్యధిక కలెక్షన్లు (రూ. 600 కోట్లకుపైగా) వసూల్ చేసిన రెండో సినిమాగా నిలిచింది. అయితే ఈ లిస్ట్లో రూ.665 కోట్లతో రోబో 2.O(Robot 2.0) మొదటి స్థానంలో ఉంది. అయితే ఈ రెండు సినిమాలు రజనీయే కావడం విశేషం.
ఇక వరుసగా మూడు, నాలుగు స్థానాల్లో 'పొన్నియిన్‌సెల్వన్‌-1' (రూ.492 కోట్ల కలెక్షన్), నాలుగో స్థానంలో విశ్వనటుడు కమల్హాసన్ 'విక్రమ్‌' (రూ.432 కోట్ల కలెక్షన్) ఉన్నాయి. అయితే తాజాగా ఈ సినిమా ఓటీటీ రిలీజ్ ఎప్పుడంటూ.. ఫ్యాన్స్ సోషల్ మీడియాలో కామెంట్లు దంచేస్తున్నారు. మరి ఈ సినిమా ఓటీటీలో ఎప్పుడు రానుందంటే.
'జైలర్' మూవీ రిలీజై గురువారానికి 20 రోజులు అవుతోంది. కానీ ఇప్పటివరకూ ఈ సినిమా నిర్మాణ సంస్థ సన్ పిక్చర్స్(Sun Pictures).. ఓటీటీ విడుదలపై ఎలాంటి ప్రకటన చేయలేదు. ఇప్పటికీ రిలీజ్ డేట్పై కానీ.. స్ట్రీమింగ్ ప్లాట్ఫామ్పై కానీ ఎలాంటి స్పష్టత రాలేదు. ముందుగా అనుకున్న సమయం కంటే ఇంకొంచెం లేట్గా ఓటీటీలో స్ట్రీమింగ్ అవుతుందని మూవీమేకర్స్ ఇదివరకే తెలిపారు. అయితే ఇప్పటికీ ఈ సినిమా థియేటర్లలో జోరు ప్రదర్శిస్తున్నందున.. చిత్ర నిర్మాణ సంస్థ ఓటీటీ విషయంలో జాగ్రత్తగా వ్యవహరిస్తున్నట్లు తెలుస్తోంది.