Jailer Movie Holiday : సూపర్ స్టార్.. ఈ పేరు తెరపై కనిపిస్తే చాలు ఈలలతో థియేటర్‌లు దద్దరిల్లిపోతుంటాయి. ఆయన సినిమా విడుదలవుతుందంటే తమిళ నాట పెద్ద పండగే. రజనీకాంత్.. స్క్రీన్‌ మీద కనబడితే అభిమానులు చేసే రచ్చ అంతా ఇంతా కాదు. తమిళ సినిమా గురించి దేశం నలుమూలల మాట్లాడుకునేలా చేసిన ఘనత ఆయనది. ఆయన ఫ్లాపు సినిమాలు సైతం కొందరి హీరోల బ్లాక్‌బస్టర్‌ సినిమాల రేంజ్లో కలెక్షన్‌లు సాధిస్తుంటాయి. తలైవాకు తమిళనాట ఫ్యాన్స్‌ కాదు భక్తులుంటారు. ఆయన సినిమా రిలీజవుతుందంటే చాలా మంది హిట్టవ్వాలని పూజలు కూడా చేయిస్తుంటారని ఇప్పటికీ మనం వింటూనే ఉంటాం. అంతలా ఆయన్ని అభిమానిస్తుంటారు.
చెన్నై, బెంగళూరులో అన్ని ఆఫీసులకు సెలవు!
Jailer Movie Holiday Offices : ప్రస్తుతం రజనీకాంత్ నటించిన జైలర్ సినిమా రిలీజ్‌కు సిద్ధంగా ఉంది. ఆగస్టు 11న విడుదల కాబోతున్న ఈ సినిమాపై భారీ అంచనాలున్నాయి. రజనీకి ఈ సినిమా బంపర్ హిట్టవుతుందని అందరూ ధీమాగా ఉన్నారు. తాజాగా ఈ సినిమా విడుదల సందర్భంగా యూనో ఆక్వా కేర్ అనే కంపెనీ ఆగస్టు 10న హాలీడే ప్రకటించింది. అంతేకాదు అందులో పనిచేస్తున్న ఉద్యోగులందరికీ ఉచితంగా మూవీ టిక్కెట్‌లు ఇవ్వనుందట. చెన్నై, బెంగళూరు, తిరుచ్చి, తిరునల్వేలి, చెంగల్‌పట్టు, మట్టుతావని, అరపాళ్యం, అలగప్పన్ నగర్ బ్రాంచ్‌లకు సెలవు ప్రకటించబోతున్నట్లు ఆ సంస్థ వెల్లడించింది. ఈ కంపెనీతో పాటు వివిధ కంపెనీలు.. చెన్నై, బెంగళూరులో ఉన్న ఆఫీసులకు సెలవు ప్రకటించాయట.