Jailer Day 3 Collection : సూపర్ స్టార్ రజినీకాంత్ నటించిన 'జైలర్' మూవీకి జనం బ్రహ్మరథం పడుతున్నారు. గురువారం ప్రేక్షకుల ముందుకొచ్చిన ఈ సినిమా.. రిలీజైన అన్నీ చోట్లా భారీ స్థాయిలో వసూళ్లను సంపాదిస్తూ చరిత్ర సృష్టిస్తోంది. వీకెండ్ అయిన మూడో రోజు ఈ సినిమా రూ.35 కోట్లు సంపాదించింది. ఈ క్రమంలో మూడు రోజుల్లోనే ఈ సినిమా రూ.100 కోట్ల క్లబ్లోకి చేరుకుంది. దీంతో రజనీ ఫ్యాన్స్ సంబరాలు చేసుకుంటున్నారు.
Rajinikanth Badrinath Temple Visit :ఇక ఈ సినిమా సక్సెస్ను ఆస్వాదిస్తున్న రజనీకాంత్ ప్రస్తుతం నార్త్లో ఉన్నారు. 'జైలర్' రిలీజ్కు ముందే హిమాలయాలకు వెళ్లిన ఆయన అక్కడున్న ఆలయాలను,ఆశ్రమాలను సందర్శిస్తున్నారు. ఇందులో భాగంగా ఆదివారం ఆయన ప్రముఖ పుణ్యక్షేత్రం బద్రీనాథ్కు చేరుకున్న ఆయన.. అక్కడ ప్రత్యేక పూజలు చేశారు. ఆలయ ప్రాంగణంలో అభిమానులకు అభివాదం చేసి, వారితో కాసేపు మాట్లాడారు. దీనికి సంబంధించిన కొన్ని ఫొటోలు ప్రస్తుతం నెట్టింట వైరల్‌గా మారాయి.
Rajinikanth Jailer Box Office Collection :ట్రైలర్తో ప్రేక్షకుల్లో భారీ అంచనాలను సెట్ చేసిన 'జైలర్'.. వాటిని ఏ మాత్రం తగ్గించకుండా థియేటర్లలో సక్సెస్ఫుల్గా దూసుకెళ్తోంది. తొలి రోజు నుంచే కలెక్షన్లలోనూ మంచి జోరు చూపించిన ఈ సినిమా.. తాజాగా వంద కోట్ల మార్క్ను దాటింది.