'జబర్దస్త్' ఇమ్మాన్యుయేల్ అనగానే టక్కున గుర్తొచ్చే పేరు వర్ష. ఎందుకంటే అంతలా ఈ జోడీ తమ కెమిస్ట్రీతో ఆకట్టుకున్నారు. అయితే కొద్ది రోజులుగా వీరి మధ్య దూరం పెరిగిందంటూ వార్తలు వచ్చాయి. అయితే అది నిజమైనప్పటికీ మళ్లీ వీరిద్దరూ కలిసిపోయారు. ఈ క్రమంలోనే అతడు వర్షకు ఓ అదిరిపోయే బహుమతి కూడా ప్రెజెంట్ చేశాడు.
వచ్చే నెల వర్ష పుట్టినరోజు ఉంది. అంతకంటే ముందే ఆమెని ఇమ్ము.. హైదరాబాద్లోని ఓ సిల్వర్ జ్యువెలరీ షోరూమ్కు షాపింగ్కు తీసుకెళ్లి సర్ప్రైజ్ చేశాడు. ఆ మొత్తాన్ని వీడియో తీసి యూట్యూబ్లో పోస్ట్ చేశాడు. అయితే ఈ వ్లాగ్ అంతా కూడా చాలా ఫన్నీగా సాగింది. ఇక వర్షకి నెక్లెస్ను బహుమతిగా ఇచ్చాడు ఇమ్ము. అలానే తనపై జోకులు, సెటైర్లు వేస్తూ తెగ నవ్వించాడు. 'గోల్డ్ ఇస్తే ఎక్కువవుతుందని ఇక్కడికి తీసుకొచ్చావా?' అని వర్ష అడగ్గా.. 'నువ్వే గోల్డ్ రా' అంటూ తెగ నవ్వులు పూయించాడు. కాగా, రీసెంట్గా ఓ లగ్జరీ కారు కొన్న ఇమ్మాన్యుయేల్.. ఇప్పుడు వర్షకు అదిరిపోయే సరప్రైజ్ గిఫ్ట్ ఇవ్వడం చూసి నెటిజన్స్ తెగ కామెంట్స్ పెడుతున్నారు. ఇమ్ము ఫుల్ జోష్లో ఉన్నాడని అంటున్నారు.
హార్ట్ఫీల్ పెర్ఫార్మెన్స్.. కాగా, తాజాగా ప్రసారమైన శ్రీదేవీ డ్రామా కంపెనీలో.. వర్షతో మనస్పర్థలు రావడంపై స్పందించాడు ఇమ్మూ. దూరంగా ఉంటుందని నిజమేనంటూ.. పాట రూపంలో తన బాధను వ్యక్తం చేశాడు. స్యాడ్ లవ్ సాంగ్స్ పాడి తనలోని బాధను బయటపెట్టాడు. ఇందులో ఇమ్యాన్యుయెల్ హార్ట్ఫీల్ పెర్ఫార్మెన్స్ అదిరిపోయింది. నాలుగు ప్రేమ విషాద గీతాలు ఆలపించాడు. ఘర్షణలోని 'చెలియా చెలియా', నా ఆటోగ్రాఫ్లోని 'నువ్వంటే ప్రాణమని' అంటూ వర్షను ఉద్దేశించి విషాద పాటలను పాడాడు. ఇమ్మూ పాట పాడుతున్నంత సేపు వర్ష కూడా ఎంతో బాధతో కనిపించింది. ఇమ్మూ పాడటం, వర్ష బాధపడటం సన్నివేశాలు హృదయాన్ని హత్తుకున్నాయి. ఇక చివరికి ఒకరినొకరు తమకున్న ప్రేమను తెలియజేసుకుని కలిసిపోయారు.
ఇకపోతే.. స్టాండప్ కమెడియన్గా కెరీర్ ప్రారంభించి 'జబర్దస్త్'లో కమెడియన్గా సెటిలయ్యాడు ఇమ్మాన్యుయెల్. ప్రస్తుతం సినిమాల్లోనూ నటిస్తున్నాడు. సీరియల్స్లో నటిస్తూ 'జబర్దస్త్'లోకి ఎంట్రీ ఇచ్చి లేడీ కమెడియన్గా క్రేజ్ సంపాదించుకుంది వర్ష. వీరిద్దరు మొదట్లో కెవ్వు కార్తీక్ టీమ్లో స్క్రిట్లు చేసి అలరించారు. అలా వీరి జర్నీ ప్రేమగా మారింది. త్వరలోనే పెళ్లి చేసుకోబోతున్నారు!
ఇదీ చూడండి:వర్షతో మనస్పర్థలు.. హార్ట్ టచింగ్ సాంగ్స్తో చెక్ పెట్టిన ఇమ్మూ.. పెర్ఫార్మెన్స్ సూపర్
