'లైగర్‌'తో పరాజయం అందుకున్న హీరో విజయ్ దేవరకొండ.. ప్రస్తుతం 'ఖుషి' పనుల్లో బిజీగా ఉన్నాడు. ఆయనకు సంబంధించి ఓ ఆసక్తికరమైన వార్త నెట్టింట తెగ చక్కర్లు కొడుతోంది. బిగ్గెస్ట్‌ యాక్షన్‌ ఎంటర్‌టైనర్‌గా సిద్ధమవుతోన్న 'సలార్'లో విజయ్ దేవరకొండ భాగం కానున్నారంటూ పలు ఆంగ్ల పత్రికల్లో కథనాలు ప్రచురితమయ్యాయి.
ప్రశాంత్‌ నీల్‌ దర్శకత్వం వహిస్తోన్న ఈ సినిమాలో ప్రభాస్కు సోదరుడిగా విజయ్ కనిపించనున్నారని.. 'సలార్' క్లైమాక్స్‌లో విజయ్‌ని పరిచయం చేసి తర్వాత రానున్న 'సలార్-2'లో కీలకమైన రోల్‌లో ఆయన్ని చూపించనున్నారని నెటిజన్లు మాట్లాడుకుంటున్నారు. అయితే, ఈ వార్తలపై చిత్రబృందం నుంచి అధికారికంగా ఎలాంటి స్పష్టత రాలేదు.
మరోవైపు, విజయ్ దేవరకొండ గత కొన్నిరోజుల నుంచి ఓ శీతల పానీయం యాడ్‌ షూట్‌లో పాల్గొంటున్నారు. హైదరాబాద్‌లోని ఓ స్టూడియోలో జరుగుతోన్న ఈ షూట్‌ నుంచి ఆయన ఫొటో ఒకటి బయటకువచ్చింది. అందులో ఆయన లుక్‌ చూస్తే.. 'సలార్'లో ప్రభాస్‌ని గుర్తు చేసేలా ఉంది. ఈ ఫొటో చూసిన నెటిజన్లు 'సలార్'లో విజయ్ నటిస్తోన్న మాట వాస్తవమేనని అనుకుంటున్నారు.