Sharukh Khan Jawan : బాలీవుడ్ బాద్షా షారుఖ్ఖాన్ ప్రధాన పాత్రలో తెరకెక్కుతున్న 'జవాన్'. ఈ చిత్రం కోసం అభిమానులు ఎంతో ఆసక్తిగా ఎదురు చూస్తున్నారు. ప్రస్తుతం సామాజిక మాధ్యమాల్లో వైరలవుతున్న ఓ ఫొటో వల్ల ఆ సినిమాలో మరో ప్రముఖ్య వ్యక్తి కనపడనున్నట్లు ఊహాగానాలు వస్తున్నాయి. చిత్ర దర్శకుడు అట్లీ తన ట్విట్టర్ ఖాతాలో పోస్ట్ చేసిన ఫొటోతో ఈ విషయం మరింత బలపడుతోంది.
సెప్టెంబర్ 21న తన పుట్టినరోజు సందర్భంగా మిత్రులు, కొంతమంది నటీనటుల సమక్షంలో పార్టీ చేసుకున్నారు దర్శకుడు అట్లీ. అయితే ఈ పార్టీకి సంబంధించిన ఓ ఫొటోను అట్లీ ట్విట్టర్లో పోస్ట్ చేశారు. అందులో ఇద్దరు స్టార్ల మధ్య అట్లీ ఉన్నారు. ఆ ఇద్దరు స్టార్లు మరెవరో కాదు. ఒకరు కింగ్ ఖాన్ షారుఖ్, మరొకరు తమిళ స్టార్ దళపతి విజయ్.. ఈ ఫొటోను చూసిన అభిమానులు విజయ్ కచ్చితంగా 'జవాన్'లో భాగమై ఉంటాడని అంటున్నారు. ఈ సినిమా ఫస్ట్ లుక్ పోస్టర్ ఇప్పటికే నెట్టింట్లో హల్చల్ చేస్తోంది. ఐదు భాషల్లో రిలీజ్ కానున్న ఈ సినిమా 2023లో ప్రేక్షకుల ముందుకు రానుంది. రెడ్ చిల్లీస్ ఎంటర్టైనమంట్స్తో పాటు గౌరీ ఖాన్ ఈ సినిమాకు నిర్మాతలుగా వ్యవహరిస్తున్నారు. షారుఖ్ మరో రెండు ప్రాజెక్టులతో బిజీగా ఉన్నారు. సిద్ధార్థ్ ఆనంద్ దర్శకత్వంలో 'పఠాన్'. మరొకటి రాజ్ కుమార్ హిరానీ 'డుంకీ' మూవీ.