Indian Box Office Collection Worldwide :ఇండిపెండెన్స్ వీక్లో విడుదలైన భారతీయ సినిమాలు బాక్సాఫీస్ వద్ద కాసుల వర్షం కురిపిస్తున్నాయి. రజనీకాంత్ 'జైలర్', సన్నీ దేఓల్ 'గదార్ 2', అక్షయ్ కుమార్ 'ఓ మై గాడ్ 2' సినిమాలు థియేటర్లలో హౌస్ఫుల్ షోస్తో దూసుకుపోతోతున్నాయి. అయితే ప్రపంచవ్యాప్తంగా ఏయే సినిమా ఎంత వసూల్ చేసిందంటే..
Jailer Worldwide Collection : తమిళ సూపర్ స్టార్ రజనీకాంత్ కెరీర్లో అతి పెద్ద హిట్గా నిలిచింది 'జైలర్'. తెలుగు, తమిళ్, కన్నడ, మలయాళం, హిందీ భాషల్లో.. ఈ సినిమా ఆగస్టు 10న విడుదలైంది. హిట్ టాక్ సొంతం చేసుకున్న జైలర్.. తొలిరోజు నుంచే కలెక్షన్ల సునామీ సృష్టిస్తోంది. ఈ క్రమంలో తమిళ్ స్టార్ కమల్ హసన్ 'విక్రమ్' సినిమా కలెక్షన్లను.. 'జైలర్' ఆరు రోజుల్లోనే క్రాస్ చేసి రికార్డు కొట్టింది. ఇక ప్రపంచవ్యాప్తంగా తొమ్మిది రోజుల్లో కలిపి.. రూ. 449.75 కోట్లు వసుల్ చేసింది.
Gadar 2 Worldwide Collection : దేశభక్తి తరహాలో తెరకెక్కిన చిత్రం 'గదర్ 2'. రెండు దశాబ్దాల కిందట రిలీజై సూపర్ హిట్గా నిలిచిన 'గదర్ - ఏక్ ప్రేమ్ కథా' సినిమాకు సీక్వెల్గా రూపొందిందే 'గదర్ 2'. ఈ సినిమా ఆగస్టు 11 న ప్రేక్షకుల ముందుకు వచ్చి ఆకట్టుకుంది. మొదటి రోజే రూ. 40 కోట్ల కలెక్షన్స్ రాబట్టి.. సత్తా చాటిందీ సినిమా. ఇక తర్వాత రోజుల్లోనూ సినిమాకు ఇదే తరహా కలెక్షన్లు వచ్చాయి. దీంతో ఎనిమిది రోజుల్లో ప్రపంచవ్యాప్తంగా గదర్ 2.. రూ. 305.13 కోట్లు రాబట్టింది.