Ilayaraja Devi Sri Prasad : టాలీవుడ్ స్టార్ మ్యూజిక్ డైరెక్టర్, నేషనల్ అవార్డ్ దేవీశ్రీ ప్రసాద్ ఇటీవలే మ్యూజిక్ మాస్ట్రో ఇళయరాజాను కలిశారు. 'పుష్ప' సినిమాకుగాను జాతీయ అవార్డుకు ఎంపికైన సందర్భంగా ఇళయరాజా నివాసానికి వెళ్లిన డీఎస్పీ.. ఆయన్ను కలిసి పాదాభివందనిం చేశారు. ఆ తర్వాత కాసేపు ముచ్చటించారు. ఆ వీడియోను దేవీ శ్రీ తన ట్విట్టర్ అకౌంట్లో షేర్ చేశారు. "నా సంగీత దేవుడిని కలిశాను. జాతీయ అవార్డుకు ఎంపికైన సందర్భంగా ఆయన ఆశీస్సులతో పాటు శుభాకాంక్షలను అందుకున్నాను. నా ప్రియమైన ఇసై జ్ఞాని ఇళయరాజా సర్కు ధన్యావాదాలు. మీ ఇన్స్పిరేషనే.. నన్ను జాతీయ అవార్డు అందుకునే స్థాయికి ఎదిగేలా చేసింది" అంటూ భావోద్వేగానికి లోనయ్యారు. ప్రస్తతం ఈ వీడియో ప్రస్తుతం నెట్టింట ట్రెండ్ అవుతోంది.
Devi Sri Prasad Meets Ilayaraja :1999లో తన మ్యూజిక్ కెరీర్ను స్టార్ట్ చేసిన దేవి శ్రీ.. తన ట్యూన్స్తో యూత్ను తెగ ఆకట్టుకున్నారు. 'నీ కోసం', 'ఆనందం', 'ఖడ్గం', 'బొమ్మరిల్లు', 'నువ్వొస్తానంటే నేనొద్దంటానా', 'మన్మథుడు', 'ఆర్య' 'వాల్తేరు వీరయ్య' లాంటి సినిమాలకు సంగీతాన్ని అందించిన ఆయన.. తన మ్యూజిక్తో ఎన్నో బ్లాక్ బస్టర్ ఆల్బమ్స్ను ఇండస్ట్రీకి అందించారు. ఇక గతేడాది విడుదలైన ఎన్నో బ్లాక్‌బ‌స్ట‌ర్‌ సినిమాలకు తన మ్యూజిక్ అందించారు. ఇక 2021లో పుష్ప సినిమాకు ఆయన కట్టిన బాణీలు ప్రేక్షకులను తెగ ఆకట్టుకున్నాయి. శ్రీ వల్లి, ఊ అంటావా మావా, సామి సామి లాంటి సాంగ్స్ సోషల్ మీడియాలో సెన్సేషన్ క్రియేట్ చేశాయి. ఇక ఈ సినిమాకుగాను ఆయన తాజాగా ఉత్తమ సంగీత ద‌ర్శ‌కుడిగా దేవిశ్రీప్రసాద్ జాతీయ అవార్డును అందుకున్నారు.