Ilayaraja Biopic : ఇళయరాజా.. ఈ పేరు సంగీతానికి చిరునామా. ఆయనలో అద్భుత గాయకుడు, గీతరచయిత ఉన్నారు. ఇప్పటి వరకు 1400 చిత్రాలకు పైగా పనిచేసి ఇళయరాజా చరిత్ర సృష్టించారు. అలాంటిది ఈయన జీవిత చరిత్రను సినిమా తీస్తే?.. అవును మీరు విన్నది నిజమే. ఇప్పుడీ ఈ ఆలోచన బాలీవుడ్ ప్రముఖ దర్శకుడికి వచ్చింది.
ఇళయరాజాగా ఆ స్టార్ హీరో?
బాలీవుడ్లో అనేక చిత్రాలు తీసి ప్రేక్షకులను అలరిస్తున్న డైరెక్టర్ బాల్కీ.. ఇళయారాజా బయోపిక్ తీయాలనుకుంటున్నారట. ఇదే విషయాన్ని ఇటీవలే జరిగిన ఓ మీటింగ్లో చెప్పారట. అది తన డ్రీమ్ అని.. ఇళయరాజాగా ధనుష్ను చూడాలనుకుంటున్నట్లు తెలిపారట. అయితే ధనుష్ కూడా మంచి సింగర్, లిరిక్ రైటర్, డైరెక్టర్, నిర్మాత అన్న విషయం తెలిసిందే.
ధనుష్ రెడీ!
అయితే ఇళయరాజాగా నటించేందుకు ధనుష్ కూడా ఆసక్తితో ఉన్నట్లు సమాచారం. ఈ విషయమై అధికారిక ప్రకటన రావాల్సి ఉంది. డైరెక్టర్ బాల్కీ.. ఇప్పటికే హీరో ధనుష్‌తో 'షమితాబ్‌' సినిమా తీశారు. ఇందులో బిగ్‌బీ అమితాబ్‌ కూడా నటించారు. అలానే బాల్కీతో నటుడు ధనుష్‌కు మంచి ఫ్రెండ్‌షిప్‌ ఉంది. ఈ క్రమంలోనే సంగీత దర్శకుడు ఇళయరాజాగా ధనుష్‌ని చూడాలని బాల్కీ ఆశపడుతున్నారు.
కాగా.. ఇప్పటికే పలువురి నటీనటుల జీవిత చరిత్రలు తెరకెక్కాయి. నటసౌర్వభౌమ నందమూరి తారక రామారావు.. బయోపిక్లో ఆయన కుమారుడు స్టార్ హీరో బాలకృష్ణ నటించారు. రెండు భాగాలుగా విడుదలైన సీనియర్ ఎన్టీఆర్ బయోపిక్ బాక్సాఫీస్ వద్ద విజయం సాధించింది. దాంతోపాటు అలనాటి నటి మహానటి సావిత్రి బయోపిక్లో కీర్తిసురేశ్ నటించి అదరగొట్టారు. జాతీయ స్థాయిలో గుర్తింపు తెచ్చుకున్నారు. ఆ సినిమా ప్రేక్షకులు ఎంతో దగ్గరవడంతో పాటు సినీ ప్రముఖుల ప్రశంసలను కూడా అందుకున్నారు. రాజకీయంగా, నటన పరంగా అందరినీ ఆకట్టుకుని తనకంటూ ఒక స్టార్డమ్ను సాధించుకున్నారు జయలలిత. ఈమె బయోపిక్ 'తలైవి'లో కంగనా రనౌత్ నటించారు. ఈ సినిమాకు కూడా ప్రేక్షకుల నుంచి మంచి ఆదరణ లభించింది. ఇలా ఎంతో మంది తారల బయోపిక్లో వెండితరపై మెరిసి విజయాల్ని సాధించాయి.
