IIFA Awards 2022: బాలీవుడ్ ప్రతిష్ఠాత్మకంగా భావించే ఐఫా అవార్డ్స్ (ఇంటర్నేషనల్ ఇండియన్ ఫిలిం అకాడమీ అవార్డ్స్) అబుదాబి వేదికగా శుక్రవారం ప్రారంభంకానున్నాయి. రెండు రోజుల పాటు సాగే ఈ కార్యక్రమంలో పురస్కారాలు అందించడమే కాకుండా తారలు తమ ఆటపాటలతో అలరించనున్నారు. ఈ నేపథ్యంలో మెటావర్స్ లోగోను ఆవిష్కరించారు నిర్వహకులు. బాలీవుడ్ అగ్రతారలు సల్మాన్ ఖాన్, రితీశ్ దేశ్ముఖ్, షాహిద్ కపూర్, టైగర్ ష్రాఫ్, అనన్య పాండే మొదలైన వారి చేతుల మీదుగా వీటిని ఆవిష్కరించారు.
ఐఫా అవార్డ్స్ మెటావర్స్ లోగో ఆవిష్కరణ.. రెండేళ్ల గ్యాప్ తర్వాత మళ్లీ..
IIFA Awards 2022: రెండేళ్ల విరామం తర్వాత మళ్లీ అబుదాబి వేదికగా నిర్వహిస్తున్న ఐఫా అవార్డ్స్కు సంబంధించి మెటావర్స్ లోగోను ఆవిష్కరించారు నిర్వహకులు. ఈ అవార్డుల ఫంక్షన్ శుక్ర, శనివారాలు జరగనుంది.
d
ఏటా అట్టహాసంగా నిర్వహించే ఈ అవార్డుల కార్యక్రమానికి కరోనా కారణంగా గత రెండేళ్లు బ్రేక్ పడింది. ఈ నేపథ్యంలో ఈసారి ఐఫా అవార్డ్స్ ప్రోగ్రామ్పై అభిమానుల్లో ఆసక్తి నెలకొంది. నిర్వహకులు కూడా ఈసారి ఎప్పటికన్నా గ్రాండ్గా జరిగేలా ఏర్పాట్లు చేశారు. ఈ కార్యక్రమం కోసం దిగ్గజ నటీనటులు, మ్యూజిక్ డైరెక్టర్లు రంగంలోకి దిగారు. సూపర్స్టార్ సల్మాన్ఖాన్, రితీశ్ దేశ్ముఖ్, మనీశ్పాల్, ఫరాఖాన్, అపరశక్తి ఖురానాలు యాంకర్లుగా వ్యవహరించనున్నారు. మరోవైపు ఈ కార్యక్రమంలో అభిషేక్ బచ్చన్, షాహిద్కపూర్, నోరా ఫతేహి, టైగర్ ష్రాఫ్, కార్తిక్ ఆర్యన్, సారా అలీఖాన్, అనన్య పాండే, దివ్యఖోస్లా కుమార్ వంటి నటీనటులతో అలరించనున్నారు. వీరితో పాటు.. రాక్స్టార్ దేవీశ్రీ ప్రసాద్, తనిష్క్ బాగ్చి, గురు రంధ్వా, హనీసింగ్, నేహా కక్కర్, ధ్వనీభనుశాలీ, జహ్రా ఖాన్, అశీస్ కౌర్, ఆష్ కింగ్లు తమ పాటలతో ఆకట్టుకుంటారు.
ఇదీ చూడండి:'మీకు సినిమా చూడడం కూడా రాదా?'.. 'గే బ్యాచ్'పై ఆర్ఆర్ఆర్ ఫ్యాన్స్ ఫైర్