How To Watch ETV Win For Free :తెలుగువారి అభిమాన ఎంటర్టైన్మెంట్ ఛానల్ ఈటీవీ.. 28వ వార్షికోత్సవం సందర్భంగా ప్రేక్షకులకు గుడ్న్యూస్ చెప్పింది. ఈటీవీకి చెందిన అన్ని ఛానళ్లను, అలనాటి మేటి చిత్రాల నుంచి సరికొత్త కంటెంట్ ఉన్న సినిమాలు, రియాల్టీ షోలను ఒకే చోటకు చేర్చిన.. డిజిటల్ ప్లాట్ఫామ్ ఈటీవీ విన్ యాప్ను ఆగస్టు 26, 27 వ తేదీల్లో ఫ్రీగా యాక్సెస్ చేసుకునే వీలు కల్పించింది. ఇప్పటివరకు కేవలం టీవీలకే పరిమితమైన వినోదభరిత కార్యక్రమాలను ఇక మీ మొబైల్‌లో ఎప్పుడైనా, ఎక్కడైనా ఈటీవీ విన్ ఓటీటీ వేదిక ద్వారా వీక్షించవచ్చు.
ఈటీవీ 28వ వసంతోత్సవం (ఆగస్టు 27) వేళ ప్రేక్షకులకు మెగా కానుక లభించినట్లైంది. ఈ వారాంతపు కంటెంట్లో హాస్యనటుడు బ్రహ్మానందం సరికొత్త పాత్రలో ఒదిగిపోయి ప్రేక్షకులను మెప్పించిన 'పంచతంత్రం', యువ నటుడు చైతన్య కృష్ణ హీరోగా నటించిన 'అన్నపూర్ణ ఫొటో స్టూడియో'ను కూడా వీక్షించవచ్చు. 'పోలీస్ స్టోరీ', 'కనులు తెరిచినా కనులు మూసినా' వంటి విమర్శకుల ప్రశంసలు పొందిన విభిన్న ఆకర్షిణీయమైన చిత్రాలను ఈటీవీ విన్లో చూడవచ్చు. అలాగే ఈటీవీ విన్లో ఈటీవీ సీరియల్స్, రియాల్టీ షోలు కూడా చూడవచ్చు.
ఈటీవీ సినిమా ప్రేక్షకులకు తరగని గది. వీక్షకుల సౌలభ్యాన్ని గుర్తిస్తూ ఈటీవీ విన్ 10 గంటల క్యాచ్ అప్ ఫీచర్ కంటెంట్ను అందిస్తుంది. టెలివిజన్‌లో ప్రసారం చేయడానికి ముందు ప్రేక్షకులు తమకు ఇష్టమైన షోలను విన్లో వీక్షించే వీలుంది. ఈ ప్లాట్‌ఫామ్లో లైవ్లో కార్యక్రమాల అనుభూతిని పొందవచ్చు.