Hombale Films First Tamil Film: టాలీవుడ్ స్టార్ హీరోయిన్ కీర్తి సురేశ్ కొత్త సినిమా ప్రకటించారు. కేజీయఫ్ నిర్మాతలతో భారీ ప్రాజెక్టు చేయనున్నారు. 'రఘు తాథ' టైటిల్తో లేడీ ఓరియెంటెడ్ సినిమాలో నటించనున్నారు. ఈ చిత్రానికి సుమన్ కుమార్ దర్శకత్వం వహించనున్నారు. ఈ మూవీతో ఆయన దర్శకుడిగా పరిచయమవుతున్నట్లు సమాచారం. హోంబలే ఫిల్మ్స్ తొలి తమిళ చిత్రం ఇదే కావడం విశేషం. హోంబలే ఫిల్మ్స్ విడుదల చేసిన పోస్టర్లో కీర్తి సురేశ్ లుక్ అదిరిపోయింది. సినిమాలో ఆమె పోరాట యోధురాలిగా కనిపించనున్నారని తెలుస్తోంది. పోస్టర్పై ఉన్న 'ఉద్యమం ఇంటి నుంచే మొదలవుతుంది' కోట్ సినిమాపై మరింత ఆసక్తిని పెంచుతోంది.
'కేజీయఫ్' నిర్మాతలతో కీర్తి సురేశ్ భారీ ప్రాజెక్టు.. కాంబో అదిరిందిగా!
టాలీవుడ్ అందాల భామ కీర్తి సురేశ్ మరో లేడీ ఓరియెంటెడ్ సినిమా చేయనున్నారు. హోంబలే ఫిల్మ్స్ సంస్థ నిర్మించనున్న తొలి తమిళ చిత్రంలో నటించనున్నారు. ఆ వివరాలు..
కీర్తి సురేష్
సినిమాలతో ఫుల్ బిజీగా ఉన్న కీర్తి సురేశ్ ఖాతాలో మరో లేడీ ఓరియోంటెడ్ సినిమా చేరింది. అలనాటి నటి సావిత్రి బయోపిక్గా తెరకెక్కిన మహానటి సినిమాలో కీర్తి తన నటన అబ్బురపరిచింది. ఆమెకు జాతీయ అవార్డు కూడా దక్కింది. అప్పటి నుంచి కీర్తి వరుసగా పలు లేడీ ఓరియెంటెడ్ చిత్రాలు చేస్తున్నారు. ప్రస్తుతం కీర్తి తెలుగులో 'భోళా శంకర్', దసరా సినిమాల్లో నటిస్తున్నారు. చిరంజీవి-మెహర్ రమేష్ కాంబోలో తెరకెక్కుతోన్న ఆ చిత్రంలో చిరు చెల్లి పాత్ర చేస్తున్నారు. హీరో నానికి జోడీగా నటించిన 'దసరా' చిత్రంపై భారీ అంచానాలు ఉన్నాయి.