దర్శకధీరుడు ఎస్ఎస్ రాజమౌళి తెరకెక్కించిన ఆర్ఆర్ఆర్ చిత్రం తర్వాత టాలీవుడ్ స్టార్ హీరోలు జూనియర్ ఎన్టీఆర్, రామచరణ్ ప్రపంచవ్యాప్తంగా పేరు సంపాదించుకున్నారు. ఆ సినిమా ప్రదర్శించిన ప్రతీ దేశంలో ఊహించని రెస్పాన్స్ అందుకుంటోంది. ఇప్పటికే పలు ప్రతిష్టాత్మక అవార్డ్స్ ఖాతాలో వేసుకుంది. ఇటీవలే లాస్ ఏంజిల్స్‌లో నిర్వహించిన హెచ్సీఏ అవార్డ్స్ వేడుకలో ఐదు కేటగిరీల్లో అవార్డ్స్ సొంతం చేసుకుంది ఆర్ఆర్ఆర్. డైరెక్టర్ రాజమౌళి, మ్యూజిక్ డైరెక్టర్ కీరవాణి తదితరులు పాల్గొన్న ఈ వేడుకల్లో రామ్ చరణ్ స్పాట్ లైట్ అవార్డ్ అందుకున్నారు. కానీ జూనియర్ ఎన్టీఆర్ మాత్రం ఈ వేడుకను మిస్సయ్యారు.
మరోవైపు స్పాట్ లైట్ అవార్డ్.. రామ్ చరణ్ ఒక్కరికే వచ్చినట్లుగా సోషల్ మీడియాలో హైప్ క్రియేట్ కావడం పట్ల జూనియర్ ఎన్టీఆర్ అభిమానులు నెట్టింట రచ్చ చేశారు. దీంతో హెచ్సీఏ అవార్డ్స్ జ్యూరీ దీనిపై క్లారిటీ ఇచ్చింది. అంతేకాదు ఆర్ఆర్ఆర్లో కీలక పాత్రలు పోషించినందుకు జూనియర్ ఎన్టీఆర్, అలియా భట్ ఇద్దరికీ స్పాట్లైట్ అవార్డ్స్ ప్రకటించినట్లు తెలిపింది. వచ్చే వారం వారిద్దరికీ అవార్డులను పంపనున్నట్లుగా ట్విట్టర్‌లో ప్రకటించింది.