2024 South India Sankranthi Movies :ఇప్పటి కాలంలో సౌత్ సినిమాలకు పాన్ ఇండియాలో మంచి క్రేజ్ పెరిగిపోయింది. ప్రాంతంతో తేడా లేకుండా అన్ని భాషల ప్రేక్షకులను ఆకట్టుకుంటూ సక్సెస్ సాధిస్తున్నాయి. అంతర్జాతీయ స్థాయిలో గుర్తింపు పొందుతున్నాయి. దీంతో మూవీ లవర్స్ కూడా పాన్ ఇండియా సినిమాలపై ఇంట్రెస్ట్ చూపిస్తున్నారు.
మరోవైపు కొత్త ఏడాదిలోకి అడుగుపెట్టిన స్టార్స్ తమ సినిమాలతో ప్రేక్షకులను అలరించేందుకు సంక్రాంతి బాక్సాఫీస్ ముందుకొచ్చారు. అలా సంక్రాంతి రేసులో ఈ సారి సౌత్ నుంచి ఏడు సినిమాలు రిలీజ్ అయ్యాయి. అందులో తెలుగు నుంచి నాలుగు, తమిళం నుంచి మూడు సినిమాలు ఉన్నాయి. డిఫరెంట్ జానర్స్తో భారీ అంచనాల నడుమ వచ్చిన ఆ సినిమాలు తమ అదృష్టాన్ని పరీక్షించుకున్నాయి. అయితే ఈ రేసులో కొన్ని బ్లాక్ బస్టర్ సక్సెస్ అందుకుని సంక్రాంతి విన్నర్గా నిలవగా, మరికొన్ని మాత్రం మిక్స్డ్ టాక్ అందుకుని సాగుతున్నాయి.
సంక్రాంతి కానుకగా తొలుత 'హనుమాన్', 'గుంటూరు కారం' సినిమాలు బాక్సాఫీస్ ముందుకు వచ్చాయి. భారీ పోటీ నడుమ ఈ రెండు సినిమాలు థియేటర్లలో సందడి చేస్తున్నాయి. అయితే గుంటూరు కారం ప్రస్తుతం టాక్ పరంగా మిక్స్డ్ రిజల్ట్స్ అందుకున్నప్పటికీ కలెక్షన్ల పరంగా జోరు కొనసాగిస్తోంది. అలా ఇప్పటి వరకు 'గుంటూరు కారం' సుమారు రూ. 140 కోట్ల కలెక్షన్స్ సొంతం చేసుకుందని ట్రేడ్ వర్గాల మాట.
మరోవైపు పండుగ విన్నర్ 'హనుమాన్' మూవీ సూపర్ హిట్ టాక్ అందుకుని బాక్సాఫీస్ వద్ద సెన్సేషన్స్ క్రియేట్ చేస్తోంది. అటు టాక్తో పాటు ఇటు కలెక్షన్లు పరంగా దూసుకెళ్తోంది. ఈ నేపథ్యంలో ఈ చిత్రం ఇప్పటి వరకు సూమారు రూ. 116 కోట్ల గ్రాస్ని వసూళ్లు చేసింది. ప్రస్తుతం హౌస్ఫుల్ కలెక్షన్స్తో సందడి చేస్తోంది. అటు నాగార్జున నా సామి రంగ కూడా మంచి టాక్ అందుకుని రన్ అవుతోంది. అయితే 'సైంధవ్' మాత్రం అటు కలెక్షన్తో పాటు ఇటు టాక్ పరంగా ఆశించిన స్థాయిలో టాక్ అందుకోలేకపోతోంది.