'బిచ్చగాడు' సీక్వెల్కు సంబంధించి ఓ కీలక అప్డేట్ ఇచ్చింది మూవీ టీమ్. సినిమా ట్రైలర్ సహా రిలీజ్ డేట్ను అనౌన్స్ చేశారు మూవీ మేకర్స్. 'బిచ్చగాడు-2' ట్రైలర్‌ను ఏప్రిల్ 29న ఉదయం 11 గంటలకు విడుదల చేసేందుకు ప్లాన్ చేశారు. అలాగే మే 19న మూవీని విడుదల చేయనున్నట్లు ప్రకటించారు నిర్మాతలు. ఇటు తెలుగుతో పాటు అటు తమిళంలోనూ ఈ సినిమాను రిలీజ్ చేయనున్నారు.
నటుడు విజయ్ ఆంటోనీ నటించిన 'బిచ్చగాడు' సినిమా గురించి ప్రత్యేకంగా చెప్పనక్కర్లేదు. ఎందుకంటే దక్షిణాదిలో మంచి హిట్ రెస్పాన్స్ను అందుకుందీ చిత్రం. 2016లో విడుదలైన ఈ సినిమా బాక్సాఫీస్ వద్ద కలెక్షన్ల సునామీని సృష్టించింది. ఇప్పటికే రిలీజైన బిచ్చగాడు-2లోని పాటలు ఆడియన్స్ను విశేషంగా ఆకట్టుకుంటున్నాయి. వాస్తవానికి ఈ సినిమా ఈనెల 14న ప్రేక్షకుల ముందుకు రావాల్సి ఉంది. కానీ, అనుకోని కారణాలతో విడుదల తేదీ వాయిదా పడింది.
ఆయనే హీరో, దర్శకుడు, నిర్మాత
ముందుగా 'బిచ్చగాడు-2' సీక్వెల్కు ప్రముఖ తమిళ డైరెక్టర్ ప్రియ కృష్ణస్వామి దర్శకత్వం వహిస్తారని అంతా అనుకున్నారు. కానీ పలు వ్యక్తిగత కారణాల వల్ల ఆమె ఈ బాధ్యతల నుంచి తప్పుకున్నారు. దీంతో ఈ సినిమాకి హీరోగా, స్వీయ దర్శకుడిగా, నిర్మాతగా కూడా కోలీవుడ్ స్టార్ నటుడు విజయ్ ఆంటోనీనే వ్యవహరించారు. ఈ సినిమాను విజయ్ ఆంటోనీ ఫిల్మ్స్ కార్పోరేషన్ బ్యానర్‌పై భార్య ఫాతిమా, విజయ్ ఆంటోనీ కలిసి రూపొందించారు. కావ్య తపర్, రాధా రవి, యోగి బాబు, జాన్ విజయ్, హరిష్ పేరడి తదితరులు ఈ చిత్రంలో ప్రధాన పాత్రలు పోషించారు. ఈ మూవీకి సంబంధించి కథ, దర్శకత్వంతో పాటు సంగీతం, ఎడిటింగ్ విభాగాలన్నీ విజయ్ ఆంటోనీనే దగ్గరుండి చూసుకోటం విశేషం.
గ్యాంగ్స్టర్గా బిచ్చగాడు..
బిచ్చగాడు పార్ట్-1లో బిజినెస్మ్యాన్ రోల్లో నటించిన విజయ్. తన తల్లి ఆరోగ్యం కోసం ఓ స్వామిజీని ఆశ్రయిస్తాడు. ఆయన సలహా మేరకు బిచ్చగాడిగా మారి 40 రోజుల పాటు దీక్ష చేసి తల్లి ప్రాణాలను కాపాడుకుంటాడు. అయితే రానున్న సీక్వెల్లో విజయ్ ఆంటోని ఓ గ్యాంగ్‌స్టర్ క్యారెక్టర్లో కనిపించనున్నారని తెలుస్తోంది. మరి గ్యాంగ్‌స్టర్ బిచ్చగాడిగా ఎందుకు.. ఎలా మారాడనేది చిత్ర ప్రధాన కథాంశంగా ఉండనుంది.
షూటింగ్లో విజయ్కు గాయాలు..
ఈ చిత్ర షూటింగ్ సమయంలో విజయ్ ఆంటోనీ గాయపడ్డారు. జనవరిలో మలేషియాలో జరిగిన బిచ్చగాడు-2 సినిమా చిత్రీకరణలో ఆయన ప్రమాదానికి గురయ్యారు. దీంతో విజయ్ దవడ, ముక్కు భాగాల్లో తీవ్ర గాయాలయ్యాయి. సర్జరీ తర్వాత తన ఆరోగ్యం నిలకడగానే ఉన్నట్లు విజయ్ తెలిపారు.
