Nikhil siddharth spy movie : నిఖిల్ సిద్ధార్థ్ హీరోగా, ఐశ్వర్య మీనన్ హీరోయిన్గా తెరకెక్కిన చిత్రం 'స్పై'. పాన్ ఇండియా చిత్రంగా రూపొందిన ఈ సినిమా జూన్ 29న వరల్డ్ వైడ్గా ప్రేక్షకుల ముందుకు రానుంది. ఈ చిత్రంతో గ్యారీ దర్శకుడిగా ఇండస్ట్రీకి పరిచయం అవుతున్నారు. దర్శడుకు ఎడిటర్ గ్యారీ ఈ సినిమాతోనే ఇండస్ట్రీకి పరిచయం అవుతున్నారు. నేతాజీ సుభాష్‌ చంద్రబోస్‌ జీవిత కథ ఆధారంగా తెరకెక్కిన ఈ సినిమాలో బోస్కి సంబంధించి తెలియని అంశాలను చూపెట్టనున్నట్లు నిఖిల్ తెలిపారు.
అయితే ఈ సినిమా ప్రపంచ వ్యాప్తంగా 1605కు పైగా థియేటర్లల్లో రిలీజ్ కానుందని సమాచారం. నైజాంలో 235కు పైగా, సీడెడ్లో 120కు పైగా, ఆంధ్రాలో 280కు పైగా థియేటరలలో సందడి చేయనుందట ఈ చిత్రం. రెండు తెలుగు రాష్ట్రాల్లో కలిపి 635కి పైగా థియేటర్స్లో ఈ మూవీని గ్రాండ్గా రిలీజ్ చేయనున్నారు మేకర్స్.దక్షిణాదిలో ఉన్న కర్ణాటకతో పాటు ఇతర రాష్ట్రాల్లో కూడా కలుపుకొని 550కి పైగా థియేటర్లలో ఈ సినిమా విడుదల కానుంది. ఇక విదేశాల్లో 420కి పైగా సినిమా థియేటర్ల్లలో ఈ సినిమాను రిలీజ్ చేస్తున్నారు. మొత్తంగా ప్రపంచ వ్యాప్తంగా 1605కు పైగా థియేటర్లలో విడుదలకు సిద్ధంగా ఉంది 'స్పై'.
spy movie pre release bussiness : ఇక ఈ సినిమా ప్రీ రిలీజ్ బిజినెస్ విషయానికొస్తే.. థియేటర్ హక్కులను రూ.18కోట్ల వరకు విక్రయించినట్టు తెలుస్తోంది. అంటే బ్రేక్ ఈవెన్ టార్గెట్ రూ.18.50 కోట్లు అన్నమాట. నిఖిల్ కెరీర్లో ఇదే అత్యధిక బ్రేక్ ఈవెన్ టార్గెట్గా చెప్పొచ్చు. ఆంధ్రాలో రూ.6 కోట్లు, నైజాంలో రూ.5 కోట్లు, సీడెడ్లో రూ.2 కోట్లు, ఓవర్సీస్లో రూ.1.75 కోట్లు, ఇతర రాష్ట్రాల్లో రూ.70 లక్షలకు విక్రయించినట్లు సినీ వర్గాల టాక్. కాగా, కార్తీకేయ-2, 18 పేజీస్ వంటి వరుస హిట్లతో మంచి జోష్ మీదున్న నిఖిల్కు ఈ 'స్పై' సస్పెన్స్ థ్రిల్లర్ ఏ మేర బూస్ట్ ఇస్తుందో మరికొద్ది గంటల్లోనే తెలియనుంది.