ఏడాదిలో నానికి రెండో హిట్- ఈ హీరో సక్సెస్ ఫార్ములా ఇదే!

Hero Nani Success Formula : టాలీవుడ్ స్టార్ హీరో నాని ఈ ఏడాది రెండో హిట్​ ఖాతాలో వేసుకున్నారు. రానున్న ఏడాది కూడా రెండు లేదా మూడు సినిమాలతో ప్రేక్షకులను అలరించేలా ప్లాన్ చేసుకున్నారట. అయితే వరుస హిట్​లతో దూసుకుపోతున్న నాని సక్సెస్ ఫార్ములా ఏంటో తెలుసా?

Hero Nani Success Formula : నేచురల్ స్టార్ నాని ప్రస్తుతం 'హాయ్ నాన్న' సక్సెస్​ను ఎంజాయ్ చేస్తున్నారు. డిసెంబర్ 7న రిలీజైన ఈ సినిమా మంచి టాక్ దక్కించుకొని, మినిమమ్ ఆక్యుపెన్సీతో థియేటర్లలో రన్ అవుతోంది. ఈ ఏడాది 'దసరా'తో హిట్ కొట్టిన నాని, తాజాగా 'హాయ్ నాన్న' సినిమాతో మరోసారి సక్సెస్ అందుకున్నారు. దీంతో ఒకే సంవత్సరంలో రెండు హిట్లు తన ఖాతాలో వేసుకున్నారు నాని. అయితే నాని సినిమా డిసప్పాయింట్ చేయదనే ఆలోచనతో, ప్రేక్షకులు కూడా థియేటర్లకు వెళ్తున్నారు. ఈ నేపథ్యంలో నాని సక్సెస్ మంత్ర ఏమిటా అని నెట్టింట్లో చర్చలు నడుస్తున్నాయి.

అయితే వరుస సినిమాలు చేస్తూనే, ఎప్పుడూ ఒకేలా కాకుండా డిఫరెంట్ కాన్సెప్ట్ ఉన్న కథలు ఎంపిక చేసుకుంటారు నాని. ఇదివరకు ఆయన నటించిన 'జెర్సీ', 'గ్యాంగ్ లీడర్', 'అంటే సుందరానికి', 'శ్యామ్ సింగ రాయ్', 'దసరా' సినిమాలు అలాంటివే. పైగా కొత్త డైరెక్టర్లకు నాని ఎక్కువగా ఛాన్స్​ ఇస్తుంటారు. అయితే కొంతమంది కొత్తవాళ్లతో రిస్క్ ఎక్కువ అనుకుంటారు. కానీ, నాని అలాకాకుండా కొత్తవారితోనే హిట్​లు అందుకున్నారు. ఒక రకంగా నాని విజయ రహస్యం ఇదే కావచ్చని నెటిజన్లు అనుకుంటున్నారు.

Nani Saripodhaa Sanivaaram: హీరో నాని ప్రస్తుతం 'సరిపోదా శనివారం' సినిమా చేస్తున్నారు. ఇటీవల ఈ సినిమా నుంచి ఫస్ట్ గ్లింప్స్​ కూడా రిలీజ్ చేసింది మూవీటీమ్. వివేక్ ఆత్రేయ ఈ సినిమాకు దర్శకత్వం వహిస్తున్నారు. వీరిద్దరి కాంబోలో ఇదివరకు 'అంటే సుందరానికి' సినిమా వచ్చిన విషయం తెలిసిందే. ఈ సినిమాను కూడా వివేక్, డిఫరెంట్ జానర్​లో తెరకెక్కిస్తున్నారు. ఈ సినిమాలో నాని సరసన ప్రియాంక అరుళ్ మోహన్ నటిస్తోంది. సీనియర్ నటుడు ఎస్​ జే సూర్య కీలక పాత్రలో కనిపించనున్నారు. ఈ సినిమాతోపాటు నాని మరో రెండు ప్రాజెక్ట్​లు లైన్​లో పెట్టారంట. ఈ లెక్కన 2024లో కూడా నాని నుంచి రెండు లేదా మూడు సినిమాలు ఎక్స్​పెక్ట్ చెయవచ్చు.