Leo Movie Vijay Thalapathy : తమిళ స్టార్ నటుడు విజయ్కు ఉన్న క్రేజ్ గురించి ప్రత్యేకంగా చెప్పనవసరం లేదు. ఈ నెల 22వ తేదీన దళపతి విజయ్ పుట్టినరోజు వేడుకలు జరగనున్నాయి. ఈ బర్త్డే వేడుకల సందర్భంగా 'లియో'కు సంబంధించిన ఫస్ట్ లుక్, పోస్టర్ను రిలీజ్ చేయనున్నారని తెలుస్తోంది. దీంతో విజయ్ ఫ్యాన్స్ హర్షం వ్యక్తం చేస్తున్నారట.
లియో నుంచి స్పెషల్ వీడియో..
Leo Movie Glimpse : విజయ్ ప్రస్తుతం దర్శకుడు లోకేశ్ కనగరాజ్తో 'లియో' సినిమా చేస్తున్నారు. గతంలో విజయ్తో లోకేశ్ 'మాస్టర్' సినిమాను తీశారు. ఇప్పుడు మళ్లీ వీరిద్దరి కాంబోలో 'లియో' సినిమా రాబోతుంది. ఇప్పటికే ఈ సినిమాకు సంబంధించిన ఫస్ట్ లుక్కు విపరీతమైన క్రేజ్ వచ్చింది. విజయ్ పుట్టిన రోజు సందర్భంగా 'లియో' నుంచి గ్లింప్స్ వీడియోను చేసి విజయ్కు బర్త్డే గిఫ్ట్గా ఇవ్వాలని చూస్తోందట చిత్ర బృందం. ఇప్పటికే లోకేశ్, అనిరుధ్ చెన్నైలోని ఓ మేజర్ స్టూడియోలో ఈ వీడియోను షూటింగ్ చేసినట్టు తెలుస్తోంది. ఈ గ్లింప్స్ వీడియోకు స్టార్ నటుడు కమల్ హాసన్ వాయిస్ ఓవర్ ఇచ్చినట్టు సమాచారం.
లియోలో కమల్ హాసన్?
Leo Movie Kamal Hassan : లోకేశ్ కనగరాజ్ విక్రమ్ సినిమాతో కొత్త యూనివర్స్ను క్రియేట్ చేశారు. 'ఖైదీ', 'విక్రమ్' సినిమాలు చూస్తే అర్థమవుతోంది. ఇప్పుడు విజయ్తో తెరకెక్కిస్తున్న 'లియో' కూడా ఈ యూనివర్స్లో భాగమేనని అనుకుంటున్నారు. ఎందుకంటే 'ఖైదీ', 'విక్రమ్' సినిమాలలో నటించిన నటులతోనే మిగిలిన సినిమాలు కూడా చేస్తామని గతంలో చెప్పారు లోకేశ్. ఇప్పటికే 'ఖైదీ' సినిమాలో నటించిన నటులు 'విక్రమ్'లో అదే పాత్రల్లో కనిపించారు. ఇప్పుడు విజయ్ బర్త్డేకు 'లియో' నుంచి రిలీజ్ చేసే గ్లింప్స్ వీడియోలో కమల్ హాసన్ వాయిస్ అందిస్తున్నారని తెలిసింది. దీంతో మూవీలో కమల్ హాసన్ నటించనున్నారనే వార్తలు వస్తున్నాయి.
విజయ్- త్రిష.. 15 ఏళ్ల తర్వాత
Leo Movie Cast : ఇక ఈ మూవీలో విజయ్ సరసన త్రిష నటించనుంది. మధ్యలో త్రిష ఈ ప్రాజెక్ట్ నుంచి తప్పుకుందని వార్తలు వచ్చినా అవి వాస్తవం కాదని ప్రకటించింది చిత్ర బృందం. దాదాపు 15 ఏళ్ల తర్వాత విజయ్తో కలసి నటిస్తోంది త్రిష. మరి ఈ మూవీతో లోకేశ్ ఎలాంటి రికార్డులు సృష్టిస్తాడో చూడాలి. ఈ సినిమాకు అనిరుధ్ సంగీతం అందిస్తున్నారు. సంజయ్ దత్, అర్జున్, మిస్కిన్, శాండీ, జోజు జార్జ్, ప్రియా ఆనంద్ తదితరులు నటిస్తున్నారు. ఈ సినిమాను ఎస్.ఎస్ లలిత్ కుమార్, జగదీశ్ పళనిస్వామి నిర్మిస్తున్నారు.
