Hero Vikram health condition: ప్రముఖ నటుడు చియాన్ విక్రమ్ ఇటీవల అస్వస్థతకు గురయ్యారు. ఛాతీలో ఇబ్బందిగా అనిపించడంతో చెన్నైలోని ఓ ప్రైవేటు ఆస్పత్రిలో చికిత్స తీసుకున్నారు. ఈ క్రమంలో ఆయనకు గుండెపోటు వచ్చిందంటూ న్యూస్‌ ఛానళ్లతో పాటు, సోషల్‌మీడియాలో విపరీతంగా ప్రచారం జరిగింది. ఆ వార్తలను ఆయన తనయుడు ధ్రువ్‌ ఖండించారు. తాజాగా విక్రమ్ కూడా స్పందించారు. ఆయన కథానాయకుడిగా అజయ్‌ జ్ఞానముత్తు దర్శకత్వంలో తెరకెక్కిన చిత్రం 'కోబ్రా'. ఇప్పటికే చిత్రీకరణ పూర్తి చేసుకున్న ఈ సినిమా ఆగస్టు 11న ప్రేక్షకుల ముందుకు రానుంది. ఈ సందర్భంగా చెన్నైలో నిర్వహించిన ఆడియో విడుదల వేడుకలో విక్రమ్ పాల్గొని తన ఆరోగ్యం గురించి మాట్లాడారు.
"ఆ రోజు వచ్చిన వార్తలన్నింటినీ నేను చూశా. జబ్బుపడిన వ్యక్తి ఫొటోలకు నా తలను పెట్టి మార్ఫ్‌ చేశారు. ఫొటోపై నా పేరు పెడుతూ థంబ్‌ నెయిల్స్‌ క్రియేట్‌ చేశారు. వాళ్ల క్రియేటివిటీ బాగుంది. థ్యాంక్యూ. నా జీవితంలో ఇలాంటివి ఎన్నో అనుభవించా. ఇదేమీ నన్ను పెద్దగా ఆందోళనకు గురిచేయలేదు. నా కుటుంబం, స్నేహితులు, అభిమానులు నాకు అండగా నిలిచారు. ఇంతకు మించి జీవితంలో నాకేమీ వద్దు" అని అన్నారు. వేదికపై ఆయన ఆద్యంతం ఉత్సాహంగా మాట్లాడారు.