Bhola Shankar Chiranjeevi Keerthy Suresh : కొందరు హీరోలు ఎంత సీనియర్స్ అయినా కూడా తమ సహాయ నటులతో పాటు అందరితో చాలా సరదాగా ఉంటారు. అలాంటి వారిలో మెగాస్టార్ చిరంజీవి కూడా ఒకరు. ఈవెంట్స్‌, ఇంటర్వ్యూల్లో కూడా చిరు చాలా సరదాగా ఉంటారు. ముఖ్యంగా ఆయన మూవీ ప్రమోషన్స్ సమయంలో మెగాస్టార్ సందడి వేరే లెవెల్. అయితే త్వరలోనే భోళా శంకర్ విడుదల కానున్న నేపథ్యంలో.. ప్రమోషన్స్లో చాలా బిజీగా ఉన్నారు. అదే సమయంలో మేకింగ్ వీడియోలో కీర్తి సురేశ్ గొంతు ఎందుకు పట్టుకున్నారు అనే విషయంపై వివరణ ఇచ్చారు.
తాజాగా కమెడియన్ గెటప్ శ్రీను.. భోళా శంకర్ టీమ్‌తో ఒక ఇంటర్వ్యూను హోస్ట్ చేశారు. అందులో సినీ నిర్మాత అనిల్ సుంకర, దర్శకుడు మెహర్ రమేశ్‌తో పాటు మూవీలో లీడ్ రోల్స్ చేసిన చిరంజీవి, తమన్నా, కీర్తి సురేశ్ పాల్గొన్నారు. ఇంటర్వ్యూ మొత్తం చాలా సరదాగా, చిలిపి ప్రశ్నలతో సాగింది. ముందుగా తమన్నాకు కీర్తి సురేశ్‌ను పరిచయం చేసింది తానేనని చిరు తెలిపారు. కానీ తర్వాత వారిద్దరూ ఫ్రెండ్స్ అయిపోయి తనను పక్కన పెట్టేశారని చిరు వారిని ఆటపట్టించారు.
Jam Jam Jajjanaka Song : అయితే భోళా శంకర్ సినిమాలో జాం జాం జజ్జనక అనే సెలబ్రేషన్ సాంగ్ ఉంది. అయితే ఈ సాంగ్ మేకింగ్ వీడియోను కొన్నిరోజుల క్రితం.. చిరు లీక్స్లో భాగంగా మెగాస్టార్ సోషల్మీడియాలో పోస్ట్ చేశారు. అందులో ఒక చోట చిరు.. కీర్తి సురేశ్ పీక పట్టుకున్నారు. అది సరదాగానే అనిపించినా.. అసలు అలా ఎందుకు చేశారు అని చాలామంది అభిమానులకు ఒక డౌట్ మిగిలిపోయింది. ఇక గెటప్ శ్రీనుతో జరిగిన ఇంటర్వ్యూలో చిరంజీవిని ఇదే ప్రశ్న అడిగారు. కీర్తి సురేశ్ పీక పట్టుకోవడానికి అసలు కారణం ఏంటో చిరంజీవి తెలిపారు.