Allu Arjun Twitter Followers: 'పుష్ప' సినిమా తర్వాత ఐకాన్‌స్టార్‌ అల్లు అర్జున్ పాపులారిటీ దేశవ్యాప్తంగా అమాంతం పెరిగిపోయింది. తన నటనతో టాలీవుడ్తో పాటు బాలీవుడ్లోనూ ఎంతో మంది అభిమానులను సొంతం చేసుకున్నారు. తాజాగా ట్విట్టర్లో ఆయన 7 మిలియన్ల ఫాలోవర్ల మార్క్ను అందుకున్నారు. ఈ సందర్భంగా అభిమానులందరికీ ధన్యవాదాలు తెలుపుతూ ట్వీట్ చేశారు అల్లు అర్జున్. మరో సోషల్ మీడియా దిగ్గజం ఇన్స్టాగ్రామ్లో బన్నీకి 18 మిలియన్లకు పైగా ఫాలోవర్లు ఉన్నారు.
'పుష్ప' మూవీతో ప్రేక్షకుల ముందుకొచ్చిన బన్నీ.. దక్షిణాదితో పాటు ఉత్తరాది సినీ ప్రేమికులను విపరీతంగా ఆకట్టుకున్నారు. శేషాచలం ఎర్రచందనం నేపథ్యంగా తెరకెక్కిన ఈ సినిమాలో అల్లు అర్జున్.. తన నటనతో అదరగొట్టారు. ఈ సినిమాలో హీరోయిన్గా నటించిన రష్మిక కూడా తన నటనతో ఫేమస్ అయ్యారు. 'గంగోత్రి' సినిమాతో టాలీవుడ్లోకి ఎంట్రీ ఇచ్చిన అల్లు అర్జున్.. ఆ తర్వాత 'బన్నీ', 'దేశముదురు', 'పరుగు', 'సరైనోడు', 'అల వైకుంఠపురములో' లాంటి సినిమాలతో తనదైన శైలిలో ప్రేక్షకుల్ని మెప్పించారు. ప్రస్తుతం ఆయన 'పుష్ప 2' షూటింగ్కు సిద్ధమవుతున్నారు.