Hanuman Trailer :టాలీవుడ్ యంగ్ హీరో తేజ సజ్జ - డైరెక్టర్ ప్రశాంత్ వర్మ కాంబోలో తెరకెక్కుతున్న సినిమా 'హనుమాన్'. మైథలాజికల్ కాన్సెప్ట్తో పూర్తి భిన్నంగా ఈ సినిమా రూపొందుతోంది. ఇప్పటికే రీలీజైన టీజర్తో ప్రేక్షకుల్లో అంచనాలు పెంచడంలో మూవీటీమ్ సక్సెస్ అయ్యింది. హాలీవుడ్ రేంజ్ వీఎఫ్ఎక్స్, గ్రాండ్ స్క్రీన్ వర్క్స్ తో టీజర్కు అశేష స్పందన లభించింది. కాగా మంగళవారం (డిసెంబర్ 19) మూవీటీమ్ ట్రైలర్ను రిలీజ్ చేసింది. మీరు ఆ ట్రైలర్ చూశారా?
థియేటర్లలో గంట ముందుగానే : సినిమాకు వస్తున్న స్పందన దృష్టిలో ఉంచుకొని చిత్రయూనిట్, టీజర్ రిలీజ్ను మరింత గ్రాండ్గా ప్లాన్ చేసింది. యూట్యూబ్లో కంటే గంట ముందుగానే (10.08 AM), సెలెక్టెడ్ థియేటర్లలో ట్రైలర్ బొమ్మ పడింది. రెండు తెలుగు రాష్ట్రాల్లో కలిపి 26 సెంటర్లలో ట్రైలర్ రిలీజైంది.
ఊహించని స్పందన వల్లే! : అయితే హనుమాన్ సినిమా ఇప్పటికే రిలీజ్ కావాల్సి ఉంది! కానీ, గతేడాది విడుదలైన టీజర్కు అన్ని వర్గాల ప్రేక్షకుల నుంచి విపరీతమైన ఆదరణ లభించింది. ప్రతి ఫ్రేమ్లో డైరెక్టర్ టీమ్ ఎఫర్ట్ కనిపించింది. దీంతో డైరెక్టర్ ప్రశాంత్ వర్మ సినిమా ఔట్పుట్పై మరింత ఫోకస్ చేశారు. సాధారణంగా ప్రస్తుతం సినీ ఇండస్ట్రీల్లో హిందుత్వం, ఇతిహాసం (ఆదిపురుష్, కార్తికేయ) బేస్ వస్తున్న సినిమాలను ప్రేక్షకులు ఆదరిస్తున్నారు. ఈ నేపథ్యంలో హై క్వాలిటీ వీఎఫ్ఎక్స్తో రిలీజైన 'హనుమాన్ టీజర్'కు బాలీవుడ్ సైతం చర్చించుకునేంత అనూహ్య స్పందన వచ్చింది. దీంతో కాస్త ఆలస్యం అయినా, దర్శకుడు ప్రశాంత్ క్వాలిటీ విషయంలో ఎక్కడా రాజీ పడకుండా షూటింగ్ పూర్తి చేసినట్లు తెలుస్తోంది.