'ఆదిపురుష్' తరహాలో 'హనుమాన్' ప్రీ రిలీజ్ ఈవెంట్- చీఫ్ గెస్ట్​లుగా ప్రభాస్, బాలకృష్ణ!

Hanuman Movie Pre Release Event: తేజ సజ్జ- ప్రశాంత్ వర్మ కాంబినేషన్​లో వస్తున్న లేటెస్ట్ మూవీ 'హనుమాన్​'. దాదాపు 11 భాషల్లో భారీ బడ్జెట్​తో రూపొందిన ఈ మూవీ సంక్రాంతి కానుకగా జనవరి 12న థియేటర్లలోకి రానుంది. ఈ క్రమంలో మూవీటీమ్ త్వరలోనే ప్రీ రిలీజ్ ఈవెంట్ ఏర్పాటు చేసే ప్లాన్​లో ఉన్నట్లు తెలుస్తోంది.

Hanuman Movie Pre Release Event:టాలీవుడ్ యంగ్ హీరో తేజ సజ్జ లీడ్ ​రోల్​లో తెరకెక్కిన 'హనుమాన్' సినిమా జనవరి 12న రిలీజ్ కానుంది. అయతే విడుదల తేదీ దగ్గరపడుతుండం వల్ల మూవీటీమ్ ఇప్పటికే ప్రమోషన్స్ స్టార్ట్ చేసింది. ఈ క్రమంలో హీరో తేజతో కలిసి డైరెక్టర్ ప్రశాంత్ వర్మ పలు ఇంటర్వ్యూల్లో పాల్గొంటున్నారు. ఈ ఈవెంట్​ను విజయవాడ లేదా తిరుపతిలో​ జరిపేందుకు మూవీ టీమ్ ప్లాన్ చేస్తోంది.

అయితే ఆదిపురుష్ ఈవెంట్​లాగే ఈ ప్రోగ్రామ్​లో కూడా భారీ స్టేజ్​ సెటప్​తో పాటు గ్రాండ్​ డిజైనింగ్స్​ ఏర్పాటు చేయాలని మేకర్స్ భావిస్తున్నట్లు తెలిసింది. అలాగే ప్రోగ్రామ్​కు హైప్ తీసుకొచ్చేందుకు స్టార్ హీరో ప్రభాస్, నట సింహం నందమూరి బాలకృష్ణను గెస్ట్​లుగా తీసుకొచ్చేందుకు డైరెక్టర్ ప్రశాంత్ చాలా ప్రయత్నిస్తున్నారట. రీసెంట్​గా ఓ ఇంటర్వ్యూలో కూడా ప్రశాంత్ వర్మ ఈ విషయాన్ని చెప్పారు. ఆదిపురుష్ ప్రీ రిలీజ్ ఈవెంట్​ డిజైనింగ్​కు ప్రశాంత్ వర్మ హెల్ప్ చేసిన విషయాన్ని కూడా ఈ ఇంటర్వ్యూలో ప్రశాంత్ గుర్తు చేసుకున్నారు. ఇక జనవరి 7న ఈవెంట్ జరిగే ఛాన్స్ ఉన్నట్లు తెలుస్తోంది.

Hanuman Release: ఈ సినిమా పాన్ఇండియాతోపాటు ఇంటర్నేషనల్ రేంజ్​లో రిలీజ్ కానుంది. ఏకంగా 11 భాషల్లో ఈ సినిమాను తెరకెక్కించారు. టీజర్, ట్రైలర్​లో చూపించి హై క్వాలిటీ గ్రాఫిక్స్, వీఎఫ్​ఎక్స్​ వర్క్స్​కు ఇప్పటికే విశేష స్పందన లభించింది. ఇక హనుమాన్ సంక్రాంతి కానుకగా జనవరి 12న ప్రేక్షకుల ముందుకు రానుంది. అదే రోజున మహేశ్ బాబు గుంటూరు కారం సినిమా కూడా గ్రాండ్ గా విడుదల కానుంది.

Hanuman Cast: సినిమాలో అమృత అయ్యర్, వరలక్ష్మి శరత్​ కుమార్, వెన్నెల కిషోర్, గెటప్ శ్రీను, సత్య, వినయ్ రాయ్, దీపక్ శెట్టి తదితరులు కీలక పాత్రల్లో నటించారు. ప్రైమ్​ షో ఎంటర్​టైన్​మెంట్ బ్యానర్​పై కే నిరంజన్ రెడ్డి నిర్మిస్తున్నారు. హరి గౌర, కృష్ణ సౌరభ్, అనుదీప్ దేవ్ సినిమాకు సంగీతం అందించారు.