Hanuman Movie Part 2:2024 సంక్రాంతి బరిలో నిలిచిన సినిమాల్లో 'హనుమాన్' మోస్ట్ అట్రాక్షన్గా మారింది. ఈ సినిమాను యంగ్ డైరెక్టర్ ప్రశాంత్ వర్మ హై లెవెల్ గ్రాఫిక్స్తో హాలీవుడ్ రేంజ్లో తెరకెక్కించారు. తేజ సజ్జ కథానాయకుడు. అయితే ఇప్పటికే పలు చోట్ల ఈ సినిమా ప్రీమియర్ షోస్ పడ్డాయి. ఫస్ట్ హాఫ్ చూసిన ఆడియెన్స్ పాజిటివ్గా రెస్పాండ్ అవుతున్నారు.
ఈ క్రమంలోనే సినిమా గురించి ఓ ఇంట్రెస్టింగ్ విషయం తెలిసింది. 'హనుమాన్'కు రెండో పార్ట్ కూడా ఉండనున్నట్లు సినిమా చివర్లో హింట్ ఇచ్చినట్లు తెలుస్తోంది. 'జై హనుమాన్' పేరుతో 2025లో ఈ సినిమా సెకెండ్ పార్ట్ రానుందని సోషల్ మీడియాలో ఓ వార్త వైరలవుతోంది. కానీ, ఈ విషయం గురించి మూవీటీమ్ ప్రమోషన్స్ టైమ్లో ఎక్కాడా చెప్పలేదు. ఎలాంటి హింట్ కూడా ఇవ్వలేదు. మరి దీని గురించి పూర్తిగా తెలియాలంటే కొన్ని గంటలు ఆగాల్సిందే.
Prasanth Varma Cinematic Universe: మూవీ ప్రమోషన్స్లో భాగంగా రీసెంట్గా ఓ ఇంటర్వ్యూలో పాల్గొన్న ప్రశాంత్ కొన్ని ఇంట్రెస్టింగ్ కామెంట్స్ చేశారు. ఓ సూపర్ హీరో కథాంశంతో 'హనుమాన్' తెరకెక్కించానని చెప్పిన ప్రశాంత్, అలాంటివి తన వద్ద మరో 10కి పైగా స్టోరీలు సిద్ధంగా ఉన్నాయన్నారు. ఆ లిస్ట్లో హాలీవుడ్ సెన్సెషనల్ అవతార్, మహాభారతం ఉన్నట్లు చెప్పారు. ఈ క్రమంలో తొలి ప్రయత్నంగా చేసిన హనుమాన్ హిట్టైతే నెక్ట్స్, అవతార్ లాంటి ప్రాజెక్ట్స్ తెరకెక్కిస్తాన్నారు. ఈ విషయంలో ఎవరైన తనను ట్రోల్ చేయలంటే, ఆ ప్రాజెక్ట్ రిలీజ్ అయ్యాక ట్రోల్ చేసుకోవచ్చని పేర్కొన్నారు.