Hanuman Movie New Song :టాలీవుడ్ టాలెంటెడ్ డైరెక్టర్ ప్రశాంత్ వర్మ, యంగ్ హీరో తేజ సజ్జ కాంబోలో హనుమాన్ మూవీ వస్తున్న విషయం తెలిసిందే. సంక్రాంతి కానుకగా ఈ సినిమా విడుదల కానుంది. ఇప్పటికే ఈ మూవీ నుంచి విడుదలైన సాంగ్స్తోపాటు ట్రైలర్, ఈ సినిమాపై మరింత క్యూరియాసిటీ పెంచేశాయి.
తాజాగా ఈ సినిమా నుంచి శ్రీరామ దూత స్తోత్రం లిరికల్ సాంగ్ ను రిలీజ్ చేశారు మేకర్స్. "రం రం రం రక్త వర్ణం దినకర వదనం తీక్షద్రష్టం కరాళం రం రం రం రమ్యతేజం" అంటూ సాగిన ఈ పాట గూస్ బంప్స్ తెప్పిస్తోందని నెటిజన్లు చెబుతున్నారు. సినిమాపై ఒక్కసారిగా మరిన్ని అంచనాలు పెరిగాయని అంటున్నారు. వీఎఫ్ఎక్స్ షాట్స్ నెక్స్ట్ లెవెల్లో ఉన్నాయని సాంగ్ ను రీషేర్ చేస్తున్నారు. ప్రస్తుతం ఈ సాంగ్ సోషల్ మీడియాలో వైరల్గా మారింది.
ఈ సాంగ్ను సింగర్లు సాయి చరణ్ భాస్కరుణి, లోకేశ్వర్ ఈదర, హర్షవర్ధన్ చావలి ఆలపించారు. గౌరహరి మ్యూజిక్ అందించారు. ప్రశాంత్ వర్క్ మరోసారి తన మార్క్ చూపించనున్నట్లు తెలుస్తోంది. సాంగ్లో విజువల్ ఎఫెక్ట్స్ అదిరిపోయాయి. హనుమంతుడి దైవిక శక్తిని అద్భుతంగా ప్రతిబింబిస్తున్నాయి.
ఇక సినిమా విషయానికొస్తే- అమృత అయ్యర్ హీరోయిన్గా నటిస్తున్నారు. వరలక్ష్మి శరత్కుమార్ కీలకపాత్ర పోషిస్తున్నారు. వాన మూవీ ఫేమ్ వినయ్ రాయ్ విలన్గా యాక్ట్ చేస్తున్నారు. శ్రీలంక, చైనా, జపాన్, ఆస్ట్రేలియా, అమెరికా, స్పెయిన్, జర్మనీ సహా అనేక దేశాల్లో ఈ చిత్రం జనవరి 12వ తేదీన గ్రాండ్గా విడుదల కానుంది.
అయితే అదే రోజున సూపర్ స్టార్ మహేశ్ బాబు గుంటూరు కారం సినిమా కూడా విడుదల కానుంది. దీంతో హనుమాన్ సినిమాకు దక్కే థియేటర్ల సంఖ్యపై చర్చ జరుగుతోంది. గుంటూరు కారం మూవీకి 90 శాతం థియేటర్లకు దక్కగా ఈ మూవీకి కేవలం 10శాతమే దొరికాయని టాక్. మరి ప్రశాంత్ వర్మ సినిమాటిక్ యూనివర్స్లో భాగంగా వస్తున్న తొలి మూవీ హనుమాన్ ఎలాంటి టాక్ సంపాదిస్తుందో చూడాలి.
