Hanuman Movie First Song Released : టాలీవుడ్ యువ నటుడు తేజా సజ్జా ప్రధాన పాత్రలో నటించిన సినిమా 'హనుమాన్'. ప్రశాంత్‌ వర్మ దర్శకత్వం వహించిన ఈ సినిమా ఇప్పటికే చిత్రీకరణ పూర్తి చేసుకుంది. జనవరి 12న (Hanuman Movie Release Date) ప్రేక్షకుల ముందుకు రానున్ను సందర్భంగా ప్రచార కార్యక్రమాలను చిత్ర యూనిట్ వేగవంతం చేసింది. ఇందులో భాగంగా నవంబర్ 14 బాలల దినోత్సవం సందర్భంగా 'వచ్చాడు కొత్త సూపర్ హీరో.. మన హనుమాన్ ముందర అందరు జీరో' అంటూ సాగే పాటను విడుదల చేసింది. కృష్ణకాంత్‌ సాహిత్యం అందించిన ఈ పాటకు అనుదీప్‌ దేవ్‌ స్వరాలు సమకూర్చారు. సాయిదేవ వాగ్దేవి, ప్రకృతిరెడ్డి, మయూఖ్‌ ఆలపించారు. ఈ సాంగ్ చిన్నారులను ఆకట్టుకునేలా ఉంది. ఇందులో హనుమాన్ను అందరు సూపర్ హీరోలతో పోలుస్తూ.. రాసిన లిరిక్స్ నవ్వులు పూయిస్తాయి.
Hanuman Movie Graphics :'హనుమాన్' చిత్రం సూపర్ హీరో కథాంశంతో పాన్ ఇండియా రేంజ్లో తెరకెక్కుక్కింది. ఇప్పటికే ట్రైలర్ విడుదలైన ఈ సినిమా టీజర్.. ప్రేక్షకులను అమితంగా ఆకట్టుకుంది. ఈ మూవీలో గ్రాఫిక్స్ అద్భుతంగా తీర్చిదిద్దారు. ఎంతలా అంటే వందల కోట్ల బడ్జెట్తో పాన్ ఇండియా స్టార్ ప్రభాస్ హీరోగా రూపొందిన 'ఆదిపురుష్' సినిమాతో పోల్చేంతగా. అప్పట్లో ఆదిపురుష్ గ్రాఫిక్స్పై వివాదం చెలరేగిన విషయం తెలిసిందే. ఒకానొక సమయంలో హనుమాన్ గ్రాఫిక్స్ వర్క్తో.. ఆదిపురుష్ టీమ్ ఇరకాటంలో పడింది. అయితే హాలీవుడ్ రేంజ్లో ఉన్న ఈ సినిమా వీఎఫ్ఎక్స్ విదేశాల్లో చేసింది కాదు. హైదరాబాద్కు చెందిన 'హేలో హ్యూస్ స్టూడియోస్' అనే సంస్థ ఈ సినిమాకు గ్రాఫిక్స్ అద్దింది. దీంతో ఈ కంపెనీ గురించి టాలీవుడ్ వర్గాల్లో చర్చ నడుస్తోంది.