అయోధ్యకు 'హనుమాన్' విరాళం- ఫస్ట్​డే కలెక్షన్ల నుంచి భారీ మొత్తం

Hanuman Movie Donation Ayodhya: తేజ సజ్జ- ప్రశాంత్ వర్మ హనుమాన్ మూవీ హిట్ టాక్ అందుకుంది. హైదరాబాద్​లో సక్సెస్ మీట్​ నిర్వహించిన మూవీటీమ్, ముందుగా చెప్పినట్లు అయోధ్య మందిరానికి విరాళం ఇచ్చారు.

Hanuman Movie Donation Ayodhya:విజువల్ వండర్స్ 'హనుమాన్' సినిమా బాక్సాఫీస్ వద్ద హిట్​ టాక్​తో దూసుకుపోతోంది. గురువారం రాత్రి ప్రీమియర్స్​, బెనిఫిట్ షోస్ నుంచి శుక్రవారం కూడా ఫుల్ ఆక్యుపెన్సీతో రన్​ అవుతోంది. దీంతో మూవీటీమ్ హైదరాబాద్ ఫిల్మ్ నగర్​లో సక్సెస్ మీట్ నిర్వహించారు. ఈ సక్సెస్​ మీట్​లో హీరో తేజ సజ్జ,డైరెక్టర్ ప్రశాంత్ వర్మ, ప్రొడ్యూసర్ నిరంజన్ రెడ్డి పాల్గొన్నారు.

ముందుగా స్థానిక హనుమాన్ ఆలయానికి వెళ్లి మూవీటీమ్ ప్రత్యేక పూజలు నిర్వహించింది. అయితే ప్రతి టికెట్​పై రూ.5 'అయోధ్య' మందిరానికి విరాళంగా ఇవ్వనున్నట్లు మూవీటీమ్ ప్రీ రిలీజ్ ఈవెంట్​లో ప్రకటించింది. దీంతో తొలిరోజు కలెక్షన్​ నుంచి రూ.14.25 లక్షలు అయోధ్యకు పంపనున్నట్లు మేకర్స్ తెలిపారు. ఈ మేరకు రామ జన్మభూమి తీర్థ క్షేత్ర ట్రస్ట్​ పేరిట చెక్​ను కూడా రివీల్ చేశారు.

విరాళం మరింత ఫెయిర్​గా: అయితే ముందుగా అనుకున్నట్లు అయోధ్య రామ మందిరానికి ఇచ్చే విరాళం ఫెయిర్​గా ఉంటుందని డైరెక్టర్ ప్రశాంత్ తెలిపారు. 'సినిమా హిట్టైనందున ఒక దశలో మొత్తం డబ్బులు మేం తీసుకొని డొనేట్ చెయ్యరని కొందరు అనుకోవచ్చు. అలా జరగదు. మేము ఈ విషయంలో పారదర్శకంగా ఉన్నాం. టికెట్లు అమ్మకాలకు సంబంధించి లైవ్ వెబ్​సైట్​ క్రియేట్ చేశాం. ఈ వెబ్​సైట్​లో టికెట్లు సోల్డ్ అవుతున్నా కొద్ది, అయోధ్య విరాళంలో జమ అయ్యే మొత్తాన్ని మీరు చూడవచ్చు' అని ప్రశాంత్ అన్నారు.

Hanuman Ott Rights Price: ఈ సినిమా ఓటీటీ, శాటిలైట్​ పార్టనర్స్ ​వివరాలు కూడా తెలిశాయి. ప్రముఖ ఓటీటీ సంస్థ జీ 5 మంచి ధరకే కొనుగులో చేసిందట. ఓటీటీ హిందీ వెర్షన్​ రూ. 5కోట్లు, తెలుగు వెర్షన్‌ రూ. 11 కోట్లకు అమ్ముడుపోయినట్లు కథనాలు వస్తున్నాయి. ఇప్పుడు సినిమాకు హిట్‌ టాక్‌ రావడంతో ఓటీటీలోకి వచ్చేందుకు కాస్త ఎక్కువ సమయమే పట్టొచ్చని సమాచారం. మార్చి నెల మధ్యలో ఈ చిత్రం ఓటీటీలోకి వచ్చే అవకాశాలు ఎక్కువగా ఉన్నాయని అంటున్నారు.

Hanuman Cast: ఈ సినిమాలో అమృత అయ్యర్, వరలక్ష్మి శరత్​ కుమార్ కీ రోల్స్​లో నటించగా, గెటప్ శ్రీను, వెన్నెల కిషోర్, వినయ్ రాయ్, సత్య, దీపక్ శెట్టి ఆయా పాత్రలు పోషించారు. ఇక ప్రైమ్​షో ఎంటర్​టైన్​మెంట్ బ్యానర్​పై ఈ సినిమాను నిరంజన్ రెడ్డి నిర్మించారు.