Hanuman Movie Chiranjeevi :టాలీవుడ్ స్టార్ డైరెక్టర్ ప్రశాంత్ వర్మ- యంగ్ సెన్సేషన్ తేజ సజ్జా కాంబినేషన్లో తెరకెక్కిన లేెటస్ట్ మూవీ 'హనుమాన్'. భారీ అంచనాల నడుమ ఈ సినిమా సంక్రాంతి కానుకగా జనవరి 12న ప్రేక్షకుల ముందుకు రానుంది. ఈ నేపథ్యంలో మూవీ టీమ్ ఇప్పటికే ప్రమోషన్స్ను వేగవంతం చేసింది. పలు ఇంటర్వ్వూలతో పాటు ఈవెంట్లలో సందడి చేస్తూ కనిపించింది. అయితే డైరెక్టర్ ప్రశాంత్ వర్మ ఓ ఈవెంట్కు హాజరయ్యారు. అక్కడ యాంకర్ అడిగిన ప్రశ్నలకు సమధానాలు చెప్పారు. ఈ క్రమంలో మూవీకి సంబంధించిన ఆసక్తికరమైన విషయాన్ని బయటపెట్టారు.
ఇటీవలే విడుదలైన ట్రైలర్లోని లాస్ట్ సీన్లో హనుమంతుడిని చూపించారు. అయితే ఆయన్ను చూపించేకి ముందు ఆయన కళ్లను చూపిస్తారు. అవి చూసేందుకు అచ్చం మెగాస్టార్ చిరంజీవి కళ్లలా ఉన్నాయని ఫ్యాన్స్ నెట్టింట ఆ ఫొటోను ట్రెండ్ చేశారు. తాజాగా ఈ విషయంపై ఓ యాంకర్ ప్రశాంత్ను ప్రశ్న అడిగారు. అయితే దానికి ఆయన ఇచ్చిన ఆన్సర్ ప్రస్తుతం అభిమానుల్లో సినిమాపై మరింత అంచనాలు పెంచేసింది.
"ట్రైలర్ మీరు చూసిన కళ్ళు చిరంజీవిదే. అయితే ఈ సినిమాలో హనుమంతుడి పాత్రని ఎలా చూపించాలో అంటూ మేము రెండేళ్ల పాటు చర్చలు జరిపాం. ఇప్పుడు అయితే ఈ విషయంపై ఎటువంటి అప్డేట్ ఇవ్వలేను కానీ థియేటర్లో ఆ పాత్రను చూస్తే మీరు తప్పకుండా థ్రిల్ ఫీల్ అవుతారు" అంటూ ప్రశాంత్ సస్పెన్స్లో పెట్టారు.