guntur karam shooting : సూపర్ స్టార్ మహేశ్ బాబు తిరిగొచ్చేస్తున్నాడహో.. మళ్లీ 'గుంటూరు కారం' షూటింగ్ షురూ కాబోతుంది. దీంతో మహేశ్ అభిమానుల్లో సందడి మొదలైంది. అలాగే ఈ నెలలో ఆయన పుట్టినరోజుకు ఓ సాలిడ్ అప్డేట్ కూడా ఇవ్వనున్నట్లు తెలిసింది. ఫస్ట్ సాంగ్ను రిలీజే చేసే అవకాశాలున్నాయని ప్రచారం సాగుతోంది.
'గుంటూరు కారం' సినిమా మొదటి నుంచి ఎన్నో సమస్యలను, సవాళ్లను ఎదుర్కొంటున్న సంగతి తెలిసిందే. దీంతో షూటింగ్ వాయిదా పడుతూ వస్తోంది. రీసెంట్గా కూడా చిత్రీకరణ ఆగిపోయింది. దీంతో మహేశ్ బాబు తన ఫ్యామీలితో కలిసి ఫారెన్ టూర్కు వెళ్లిపోయారు. అయితే మళ్లీ ఎట్టకేలకు షూటింగ్ ప్రారంభంకానుందని తెలిసింది. మహేశ్ బాబు ఈ నెల 16న మహేశ్ ఇండియాకు తిరిగి రానున్నారని సమాచారం అందింది. 20వ తేదీ నుంచి మళ్లీ సెట్స్లోకి అడుగుపెడతారని, ఇక కంటిన్యూస్గా షూటింగ్ అవుతుందని తెలిసింది.
guntur karam movie updates : ఇటీవలే ఈ సినిమాకు సంబంధించిన సినిమాటోగ్రాఫర్ పిఎస్ వినోద్ కూడా పక్కకు తప్పుకున్నారని కథనాలు వచ్చాయి. రవి కె చంద్రన్ ఆ బాధ్యతలు తీసుకుంటారని అంతా అన్నారు. అయితే త్వరలో కొత్త సినిమాటోగ్రాఫర్ను ఫైనలైజ్ చేస్తారని ప్రయత్నాలు చేస్తున్నారట. 11 లేదా 12 నుంచి హీరో లేకుండానే కొన్ని ఎపిసోడ్లను చిత్రీకరించాలని సన్నాహాలు చేస్తున్నారని తెలిసింది. ఇకపోతే చాలా కాలంగా అప్డేట్ల కోసం ఎంతో ఆసక్తిగా ఎదురుచూస్తున్నారు అభిమానులు. అయితే వారికి అదిరిపోయే సర్ప్రైజ్ ఇచ్చేందుకు మూవీటీమ్ రెడీ అవుతోందట. ఈ నెలలో రానున్న మహేశ్ పుట్టినరోజు సందర్భంగా సినిమాలోని మొదటి పాటను రిలీజ్ చేసేందుకు ప్లాన్ చేస్తోందట.