Guntur Karam First Single : మహేశ్ బాబు - త్రివిక్రమ్ దర్శకత్వంలో రానున్న గుంటూరు కారం సినిమా షూటింగ్ స్పీడ్గా పూర్తి చేసుకునేందుకు ప్రయత్నాలు చేస్తోంది. ఎలాగైనా వచ్చే ఏడాది సంక్రాంతికి రిలీజయ్యేలా ప్లాన్ చేసుకుని ముందుకెళ్తోంది. అయితే తాజాగా ఈ సినిమా విషయంలో అభిమానులను కాస్త నిరాశపరిచేలా ఓ వార్త బయటకు వచ్చింది. అదేంటంటే.. ఈ గుంటురు కారం చిత్రాన్ని మ్యూజికల్గా హిట్ చేసేందుకు చిత్రబృందం స్పెషల్ కేర్ తీసుకుంటుందని గత కొద్ది రోజులుగా ప్రచారం సాగుతోంది. ఈ చిత్రంలోని మొదటి పాటను విడుదల చేసేందుకు సన్నాహాలు జరుగుతున్నాయని అంటున్నారు.
Guntur Karam First Song Release Date : కానీ ఇప్పటివరకు ఒక్క పాట కూడా విడుదల కాలేదు. మొదట మహేశ్ బాబు పుట్టినరోజున రిలీజ్ చేస్తారన్న ప్రచారం వచ్చింది. కానీ అవ్వలేదు. రీసెంట్గా వినాయక చవితికి(సెప్టెంబర్ 18) విడుదల చేస్తారని మరో ప్రచారం సాగింది. కానీ ఇప్పుడు తాజాగా అందిన సమాచారం ప్రకారం ఆ రోజు కూడా విడుదల అయ్యే పరిస్థితి కనపడట్లేదు. ఎందుకంటే పాట ఇంకా రెడీ అవ్వలేదట. ఇంకా సయయం పడుతుందని తెలిసింది.
ఇంకా సాంగ్కు సంబంధించిన వర్క్స్ జరుగుతున్నాయట. ప్రస్తుతం హైదరాబాద్ కోఠిలో షూటింగ్ జరుగుతుందని అంటున్నారు. కాబట్టి వినాయక చవితికి సాంగ్ ఉండకపోవచ్చని టాక్ వినిపిస్తోంది. దీంతో ఎంతో కాలం పాట కోసం వెయిట్ చేస్తున్న మహేశ్ అభిమానులకు నిరాశ కలిగించే వార్త అనే చెప్పాలి. చూడాలి మరి ఎప్పుడు మొదటి పాట విడుదల అవుతుందో..