Guntur Kaaram Pre Release Event :సూపర్ స్టార్ మహేశ్ బాబు, 'మాటల మాంత్రికుడు' త్రివిక్రమ్ కాంబినేషన్లో వస్తున్న మూడో చిత్రం 'గుంటూరు కారం'. జనవరి 12న (Guntur Kaaram Release Date) విడుదలకు సిద్ధంగా ఉన్న ఈ సినిమా ప్రీ-రిలీజ్ ఈవెంట్ శనివారం జరగాల్సి ఉన్నా, వాయిదా పడింది. ఈ మేరకు సోషల్ మీడియా వేదికగా చిత్ర యూనిట్ వెల్లడించింది. సూపర్ స్టార్ అభిమానులకు క్షమాపణలు చెబుతూ, వీలైనంత త్వరలో కొత్త వేదిక, తేదీ ప్రకటిస్తామని చెప్పింది. కొన్ని పరిస్థితులు, సెక్యురిటీ అనుమతుల కారణంగా ఈ కార్యక్రమం వాయిదా పడిందని తెలిపింది.
అయితే హైదరాబాద్‌లోని యూసఫ్గూడా పోలీస్ లైన్స్‌లో జనవరి 6న 'గుంటూరు కారం' ప్రీ రిలీజ్ ఈవెంట్ జరగాల్సి ఉంది. అంతుకుముందు ఈ వేడుకు నిర్వహించుకోవడానికి పోలీసులు అనుమతి ఇచ్చారు. కానీ ఆ తర్వాత యూటర్న్ తీసుకుని చివరి నిమిషంలో అనుమతి నిరాకరించినట్లు తెలిస్తోంది. ఈ ఈవెంట్కు బందోబస్తు కల్పించడం సాధ్యం కాదని పోలీసులు చెప్పినట్లు సమాచారం. ఈ కారణంగానే చిత్ర యూనిట్ వేడుకను వాయిదా వేసుకోవాల్సి వచ్చింది. అయితే ఇటీవల బిగ్బాస్ ఫైనల్ విన్నర్ విషయంలో జరిగిన ఘటనే ఇందుకు కారణం అని సినీ వర్గాల్లో చర్చ నడుస్తోంది.