Ganja Shankar Movie :మెగాహీరో సాయిధరమ్ తేజ్- దర్శకుడు సంపత్ నంది కాంబినేషన్లో ఓ సినిమా తెరకెక్కుతోంది. సితారా ఎంటర్టైన్మెంట్ బ్యానర్పై ఈ సినిమాను ప్రముఖ నిర్మాత నాగవంశీ రూపొందిస్తున్నారు. అయితే ఆదివారం హీరో సాయిధరమ్ తేజ్ పుట్టిన రోజు సందర్భంగా.. మూవీటీమ్ సినిమా టైటిల్ అనౌన్స్ చేసింది. ఈ చిత్రానికి 'గాంజా శంకర్' అనే పేరును ఖరారు చేస్తూ.. వీడియో గ్లింప్స్ను కూడా రిలీజ్ చేసింది. 1 నిమిషం 40 సెకన్ల నిడివి ఉన్న ఈ వీడియోలోతో హీరో క్యారెక్టర్ పక్కా మాస్గా ఉండబోతుందని చెప్పె ప్రయత్నం చేశారు. ఇక గ్లింప్స్ రిలీజైన గంటకే లక్షల వ్యూస్తో యూట్యూబ్లో దూసుకుపోతోంది.
లోకల్ మ్యాన్ కథ.. ఈ సినిమాలో హీరో సాయిధరమ్ తేజ్.. శంకర్ పాత్రలో కనిపించనున్నాడు. ఇక 'స్పైడర్ మ్యాన్, సూపర్ మ్యాన్ కథ కాదు నాన్న.. మన లోకల్ మ్యాన్ కథ ఉంటే చెప్పు' అని ఓ చిన్నారి వాయిస్తో గ్లింప్స్ స్టార్ట్ అవుతుంది. ఇక హీరో చిన్నప్పుడే చదువు మానేశాడని.. అమ్మానాన్నలు చెబితే వినడని.. జర్దా, గుట్కా వంటి అన్ని అలవాట్లు ఉన్నాయని గ్లింప్స్లో వివరించారు. అయితే హీరో శంకర్ గంజాయి అమ్ముతాడని క్లియర్గా చెప్పేశారు.
డైలాగ్ కేక.. మాస్ లుక్లో కనిపిస్తున్న గాంజా శంకర్.. 'పది ఉంటే పార్క్లో పంటడు.. పది వేలుంటే పార్క్ హయాత్లో ఉంటడు' అనే డైలాగ్ను గ్లింప్స్లో జోడించి హైలైట్ చేశారు. అక ఆఖర్లో 'మాక్కికిరికిరి ఆబ్ షురు అస్లీ యాక్షన్' హీరో డైలాగ్తో వీడియో ముగించేశారు. ఈ గ్లింప్స్ చూసిన మెగా ఫ్యాన్స్.. సాయిధరమ్ తేజ్ ఈ సినిమాతో కమ్బ్యాక్ ఇచ్చేస్తాడని అంటున్నారు.