3ఇడియట్స్​, దంగల్​ కాదు- ఓవర్సీస్​లో రూ.100కోట్లు రాబట్టిన ఫస్ట్ ఇండియన్​​ మూవీ ఏంటో తెలుసా?

First Indian Movie Overseas 100 Crores : భారతీయ సినిమాల క్రేజ్ అంతకంతకు పెరుగుతోంది. ప్రపంచవ్యాప్తంగా మన సినిమాలకు ఆదరణ పెరుగుతున్న కారణంగా చాలా దేశాల్లో భారతీయ సినిమాలు విడుదల అయ్యి మంచి వసూళ్లను రాబడుతున్నాయి. అయితే ఓవర్సీస్​లో రూ.100కోట్ల వసూళ్లను రాబట్టిన సినిమా ఏదో తెలుసా?

First Indian Movie Overseas 100 Crores :ప్రస్తుతం భారతీయ సినిమాల స్థాయి ఎల్లలు దాటింది. ప్రపంచవ్యాప్తంగా మన సినిమాలు అదరగొడుతున్నాయి. భారీ వసూళ్లు రాబడుతున్నాయి. భాషతో సంబంధం లేకుండా బాలీవుడ్, టాలీవుడ్, కోలీవుడ్ చిత్రాలు ప్రపంచ సినీ అభిమానుల మెప్పు పొందుతున్నాయి. బాలీవుడ్​ నుంచి షారుక్​ ఖాన్​, ప్రియాంకచోప్రా, దీపికా పదుకొణె, టాలీవుడ్ నుంచి ప్రభాస్, రామ్​చరణ్​, ఎన్టీఆర్​ తదితరులు పాన్​ ఇండియా స్టార్లుగా మారిపోయారు.

వారు నటించిన సినిమాలు ఓవర్సీస్‌లో మంచి వసూళ్లను రాబడుతున్నాయి. చెన్నై ఎక్స్‌ప్రెస్, కభీ ఖుషీ కభీ ఘమ్ వంటి చిత్రాలకు ఉత్తర అమెరికా, పశ్చిమాసియా, ఆగ్నేయాసియా దేశాల్లో విపరీతమైన ఆదరణ లభించింది. గురిందర్ చద్దా సినిమా బెండ్ ఇట్ లైక్ బెక్‌హామ్, బ్రైడ్ అండ్ ప్రెజూడీస్ వంటి సినిమాలు దక్షిణాసియా దేశాల సినీ అభిమానులను విపరీతంగా ఆకట్టుకున్నాయి.

అయితే భారతీయ దర్శకనిర్మాతల ప్రతిభే మన సినిమాలను పాన్​ ఇండియా స్థాయిలో నిలిచేలా చేసింది. లంచ్‌ బాక్స్, వైట్ టైగర్, ఆర్ఆర్ఆర్ వంటి చలనచిత్రాలు కూడా అనేక విభాగాల్లో అకాడమీ అవార్డులకు నామినేట్ అయ్యాయి. భారతీయ సినిమాలోని మ్యూజిక్, డాన్స్, రొమాంటిక్ డ్రామా గ్లోబల్స్ ఆడియెన్స్‌ను మైమరింపజేస్తున్నాయి.

ఓవర్సీస్‌లో సూపర్‌ స్టార్‌ల సినిమాలకే కాదు చిన్న సినిమాలు కూడా మంచి వసూళ్లను సాధించాయి. వీటిలో మీరా నాయర్ దర్శకత్వం వహించిన 2001 కామెడీ-డ్రామా చిత్రం మాన్‌సూన్ వెడ్డింగ్ ఒకటి. ఈ చిత్రం ఓవర్సీస్‌లో రూ.100 కోట్లు వసూళ్లను రాబట్టిన మొదటి భారతీయ చిత్రం. పంజాబీ హిందూ వివాహ సంప్రదాయంతో తెరకెక్కిన ఈ క్లాసికల్ ఫ్యామిలీ డ్రామా 2001లో విడుదలై సినీ అభిమానులను అమితంగా ఆకట్టుకుంది.

ఆ సినిమాలో హీరోహీరోయిన్ల మధ్య రొమాంటిక్ సీన్స్ వావ్ అనిపించాయి. నసీరుద్దీన్ షా, లిల్లేట్ దుబే, షెఫాలీ షా, విజయ్ రాజ్, తిలోతమా షోమ్, రజత్ కపూర్, రణ్‌దీప్ హుడా, సోనీ రజ్దాన్ తదితరులు నటించిన ఈ చిత్రం రూ.5 కోట్ల (1.2 మిలియన్ డాలర్లు) బడ్జెట్‌తో నిర్మించారు. విడుదలైన తొలి షో నుంచే ఈ మూవీ హిట్​ టాక్ సొంతం చేసుకంది. వెనిస్ ఇంటర్నేషనల్ ఫిల్మ్ ఫెస్టివల్‌లో గోల్డెన్ లయన్‌ అవార్డ్‌ను గెలుచుకుంది. బాక్సాఫీస్ వద్ద అంతర్జాతీయంగా $30 మిలియన్లు (రూ. 248 కోట్లకు పైగా) వసూలు చేసింది. అంతర్జాతీయంగా రూ.100 కోట్లు దాటిన మొదటి ఇండియన్ సినిమాగా నిలిచింది.