First 100 Crore Film In India : ప్రభాస్​, షారుక్​ కాదు.. రూ.100 కోట్ల ట్రెండ్ సెట్ చేసింది ఆ స్టార్ హీరోనే..

First 100 Crore Film In India : సినీ ఇండస్ట్రీలో ఎన్నో సినిమాలు బాక్సాఫీస్​ వద్ద వంద కోట్ల మార్క్​ దాటి చరిత్రకెక్కిన సందర్భాలు ఉన్నాయి. వాటిలో టాలీవుడ్​తో పాటు బాలీవుడ్​ సినిమాలు చాలానే ఉన్నాయి. అయితే ఇండియాలో ఈ వంద కోట్ల క్లబ్​ మొదలయ్యాక.. ఆ స్టార్​ హీరోనే తన సినిమాతో ఈ రికార్డుతో ట్రెండ్​ సెట్​ చేశారు. ఇంతకీ ఆయన ఎవరంటే ?

First 100 Crore Film In India : బాక్సాఫీస్​ వద్ద వంద కోట్ల మార్క్​ దాటడం ఇప్పుడు సర్వసాధారణం అయిపోయింది. కంటెంట్​ పరంగా మంచిగా ఉన్న సినిమాలన్నీ ఇప్పుడు 100 కోట్లు కాదు 200 కోట్లు కాదు ఏకంగా వెయ్యి కోట్ల మర్క్​ కూడా దాటిన సందర్భాలను మనం చూస్తున్నాం. కొన్ని సార్లు కంటెంట్​ వర్కౌట్ కాకపోయినా.. సినిమాలు కమర్షియల్​గా హిట్ కొట్టేస్తుంటాయి. అలా బాక్సాఫీస్ వద్ద 100 కోట్ల మార్క్‌ను దాటిన సినిమాలు నార్త్​ టు సౌత్​ చాలానే ఉన్నాయి. ఇందులో సల్మాన్ ఖాన్, షారుఖ్ ఖాన్, అక్షయ్ కుమార్, ఆమిర్​ ఖాన్, అజయ్ దేవగణ్​, హృతిక్ రోషన్​తో పాటు తెలుగులో ప్రభాస్​, అల్లు అర్జున్​ సహా పలువురు సూపర్ స్టార్లకు చెందిన సినిమాలు ఉన్నాయి.

అయితే ఇండియాలో ఈ వంద కోట్ల మార్క్​ను ట్రెండ్​ సెట్​ చేసిన మొదటి హీరో ఎవరో తెలుసా? ఆయనే బాలీవుడ్​ స్టార్ ఆమిర్​ ఖాన్​. ఈయన నటించిన 'గజినీ' సినిమాతో భారత్​లో ఈ ట్రెండ్​ మొదలైంది. 2008లో విడుదలైన ఈ చిత్రం వంద కోట్ల మార్క్​ను దాటి రికార్డుకెక్కడమే కాకుండా.. ఆమిర్​ ఖాన్​కు మరింత స్టార్​డమ్​ను తెచ్చిపెట్టింది. ఆ తర్వాత 'త్రీ ఇడియట్స్​', 'పీకే', 'దంగల్'​ లాంటి సినిమాలు కూడా వంద కంటే ఎక్కువ కోట్లను వసూలు చేసి రికార్డు సృష్టించాయి. అలా ఆయన లిస్ట్​లో ఆరు సినిమాలు ఈ మార్క్​ను అందుకున్నాయి.

Salman Khan 100 Crore Club Movies : ఇక ఆయన తర్వాత ఈ లిస్ట్​లో కండల వీరుడు సల్మాన్​ ఖాన్​ ఉన్నారు. గత 13 ఏళ్లలో ఆయన నటించిన 'రాధే', 'అంతిమ్'​ తప్ప మిగతావన్నీ బాక్సాఫీస్ వద్ద వంద కోట్ల మార్క్​ దాటినవే. ఆయనకు సంబంధించిన 16 సినిమాలు ఈ 100 కోట్ల క్లబ్​లో ఉండటం విశేషం. ఇక ఇటీవలే 'ఓ మై గాడ్​ 2' సినిమాతో బాలీవుడ్​లో సెస్సేషన్​ క్రియేట్​ చేసిన అక్షయ్​ కుమార్​ సినిమాలు కూడా ఎన్నో బాక్సాఫీస్​ వద్ద కాసుల వర్షం కురిపించాయి. ఆయన నటించిన వాటిలో దాదాపు 15 సినిమాలు బాక్సాఫీస్​ వద్ద వంద కోట్ల మార్క్​ దాటినవే.

ఇక సల్మాన్​, అక్షయ్​ తర్వాత అజయ్​ దేవగణ్​ వద్ద 12 సినిమాలు ఉండగా.. బాలీవుడ్​ బాద్​షా షారుక్​ ఖాన్​ దగ్గర 8 వంద కోట్ల మార్క్ సినిమాలు ఉన్నాయి. బాలీవుడ్​ డ్యాన్సింగ్​ మెషిన్​ హృతిక్​ రోషన్ వద్ద 6 సినిమాలు ఉన్నాయి. ఇక రణ్​వీర్​ సింగ్​ దగ్గర 5 వంద కోట్ల మార్క్​ సినిమాలు ఉన్నాయి.

First 100 Crore Film World Wide : అయితే 'గజినీ' సినిమా ఇండియాలో ఈ ట్రెండ్​ మొదలుబెట్టినప్పటికీ వరల్డ్ వైడ్​ మాత్రం ఓ సినిమా ఈ రికార్డును సెట్​ చేసి ఇండియన్​ సినిమా స్టాండర్డ్స్​ను అంతర్జాతీయ స్థాయిలో ఓ రేంజ్​లో తీసుకెళ్లింది. అదే సీనియర్​ యాక్టర్​ మిథున్​ చక్రవర్తి నటించిన 'డిస్కో డ్యాన్సర్'​ మూవీ. ఈ సినిమా ఇండియాలోనే కాదు ప్రపంచవ్యాప్తంగా వంద కోట్ల మార్క్​ దాటిన తొలి సినిమాగా చరిత్రకెక్కింది. 1982లో విడుదలైన ఈ సినిమా మాసివ్​ బ్లాక్​ బస్టర్​ను అందుకోవడమే కాకుండా అప్పట్లో సూపర్​ హిట్​ టాక్​ అందుకున్న 'షోలే' సినిమా రికార్డులను తిరగరాసిందట. దీంతో 'గజినీ' కంటే ముందు 'డిస్కో డ్యాన్సర్'​ సినిమానే ఈ ట్రెండ్​ సెట్ చేసినట్లు అయ్యింది.

Tollywood 100 Crore Club Movies : అటుబాలీవుడ్​లోనే కాదు ఇటు టాలీవుడ్​లోనూ ఎందరో స్టార్ హీరోస్​ తమ సినిమాలతో వంద కోట్ల క్లబ్​ వద్ద సందడి చేశారు. వారిలో కొంతమంది పాన్ ఇండియా లెవెల్​లో కూడా మంచి గుర్తింపు పొందారు. ఇటీవలే నేషనల్ అవార్డు సాధించిన ఐకాన్ స్టార్ అల్లు అర్జున్​ 'పుష్ప' సినిమాతో వంద కోట్ల మార్క్ దాటడమే కాకుండా పాన్ ఇండియా లెవెల్​లో గుర్తింపు పొందారు. ఇదే కాకుండా ఆయన నటించిన ఎన్నో సినిమాలు బాక్సాఫీస్​ వద్ద బ్లాక్​ బస్టర్స్​ క్రియేట్ చేసినవే.

ఇక 'బాహుబలి' సినిమాతో అంతర్జాతీయ స్థాయిలో ఫ్యాన్​ బేస్​ సంపాదించుకున్న రెబల్ స్టార్ ప్రభాస్ కూడా తన సినిమాలతో 100 కోట్ల క్లబ్​లో సందడి చేసిన సందర్భాలున్నాయి. 'బాహుబలి', 'ఆదిపురుష్'​, 'సాహో' సినిమాలు ఈ లిస్ట్​కు చెందినవే. మరోవైపు గ్లోబల్ స్టార్ రామ్​ చరణ్​ కూడా తన సినిమాలతో బాక్సాఫీస్​ రికార్డులను తిరగ రాశారు.​ ఆయన నటించిన 'ఆర్ఆర్​ఆర్​', 'మగధీర', 'రంగస్థలం' లాంటి సినిమాలన్నీ ఈ మార్క్​ దాటినవే.