హృతిక్ 'ఫైటర్' అప్​డేట్ - టీజర్ వచ్చేది అప్పుడే

Fighter Teaser Release Date : బాలీవుడ్ స్టార్ హీరో హృతిక్ రోషన్ - బ్యూటీ దీపికా పదుకొణె లీడ్ రోల్స్​లో తెరకెక్కుతున్న సినిమా ఫైటర్. ఆదివారం ఈ సినిమా నుంచి టీజర్ అప్​డేట్ ఇచ్చింది మూవీయూనిట్.

Fighter Teaser Release Date :బాలీవుడ్ స్టార్ హీరో హృతిక్ రోషన్ లీడ్​ రోల్​లో తెరకెక్కుతున్న సినిమా 'ఫైటర్'. డైరెక్టర్ సిద్ధార్థ్ ఆనంద్.. ఈ సినిమాను తెరకెక్కిస్తున్నారు. బాలీవుడ్ బ్యూటీ దీపికా పదుకొణె హీరోయిన్​గా నటిస్తోంది. వయాకమ్ 18 స్టూడియోస్ బ్యానర్​పై నిర్మాతలు మమతా ఆనంద్, రామన్ చిబ్ ఈ సినిమాను రూపొందిస్తున్నారు. కాగా, ఈ చిత్రబృందం తాజాగా టీజర్ అప్​డేట్ ఇచ్చింది. డిసెంబర్ 7న టీజర్​ను రిలీజ్ చేయనున్నట్లు అధికారికంగా ప్రకటించింది.

దర్శకుడు సిద్ధార్థ్ ఈ సినిమాను.. ఏరియల్ యాక్షన్ ఫిల్మ్​గా తెరకెక్కిస్తున్నారు. హీరో హృతిక్.. ఫైటర్​లో ఇండియన్ ఎయిర్ ఫోర్స్​ ఆఫీసర్​గా కనిపించనున్నారు. నిర్మాతలు ఎక్కడా రాజీ పడకుండా.. ఈ సినిమాను భారీ బడ్జెట్​తో అత్యాధునిక టెక్నాలజీతో రూపొందిస్తున్నారు. అయితే షూటింగ్ ఇప్పటికే పూర్తైనప్పటికీ.. పోస్ట్ ప్రొడక్షన్​ పనుల వల్ల సినిమాను వచ్చే ఏడాది జనవరి 25న రిలీజ్ కానుంది.

ముచ్చటగా మూడోసారి..హీరో హృతిక్ - డైరెక్టర్​ సిద్ధార్థ్ కాంబోలో రానున్న మూడో సినిమా ఫైటర్. ఇదివరకు ఈ కాంబోలో బ్యాంగ్ బ్యాంగ్, వార్ చిత్రాలు వచ్చాయి. ఇక హృతిక్ గత చిత్రం విక్రమ్ వేద.. బాక్సాఫీస్ వద్ద మిశ్రమ స్పందన పొందింది. దీంతో ఈ సినిమా ఊహించిన స్థాయిలో కలెక్షన్లు వసూల్ చేయలేదు. దీంతో హృతిక్ ఫ్యాన్స్ ఈ సినిమాపై భారీ అంచనాలు పెట్టుకున్నారు.

Fighter Movie Cast : ఈ సినిమాతో హృతిక్ - దీపిక తొలిసారి స్క్రీన్ షేర్ చేసుకుంటున్నారు. ఇక బాలీవుడ్ సీనియర్ నటుడు అనిల్ కపూర్, కరణ్ సింగ్ గ్రోవర్, అక్షయ్ ఒబెరాయ్ తదితరులు కీలక పాత్రల్లో నటించారు. ఈ చిత్రానికి విశాల్ శేఖర్ సంగీతం అందించారు.

పఠాన్ రిజల్ట్ రిపీట్!బాలీవుడ్ బాద్​షా నటించిన పఠాన్ సినిమా ఈ ఏడాది భారీ విజయం సొంతం చేసుకున్న విషయం తెలిసిందే. అయితే పఠాన్​ సినిమాను కూడా సిద్ధార్థ్ తెరకెక్కించడం వల్ల.. ఫైటర్​పై కూడా భారీ అంచనాలు ఏర్పడ్డాయి. దీంతో పఠాన్ లాగే ఈ సినిమా కూడా పెద్ద విజయం సాధించాలని హృతిక్ ఫ్యాన్స్​ ఆశిస్తున్నారు.