Prabhas Adipurush Update: యంగ్ రెబల్‌ స్టార్ ప్రభాస్ హీరోగా రామాయణం ఆధారంగా తెరకెక్కుతున్న భారీ బడ్జెట్‌ చిత్రం 'ఆదిపురుష్'. ఇందులో ప్రభాస్ శ్రీరాముడిగా, కృతి సనన్‌ సీతగా, సైఫ్ అలీఖాన్ రావణాసురిడిగా నటిస్తున్నారు. ఈ క్రమంలోనే నేడు శ్రీరామ నవమి సందర్భంగా ఈ చిత్రంలోని ప్రభాస్ లుక్ను విడుదల చేస్తారని ఎంతో ఆసక్తిగా ఎదురుచూసిన అభిమానులకు నిరాశే ఎదురైంది. చిత్రబృందం ఎటువంటి అప్డేట్ ఇస్తామని తెలుపలేదు. చిత్ర దర్శకుడు ఓం రౌత్ మాత్రం పండగ శుభాకాంక్షలు తెలుపుతూ ఓ స్పెషల్ ట్వీట్ చేశారు. రాముడి లుక్లో ప్రభాస్ ఉన్నట్టుగా ఫ్యాన్స్ ఎడిట్ చేసిన ఫొటోలన్నింటినీ కలిపి ఓ వీడియోగా రూపొందించి ఆ ట్వీట్కు జోడించారు. వచ్చే ఏడాది ప్రపంచవ్యాప్తంగా జనవరి 12నే థియేటర్లలో విడుదల చేస్తామని చెప్పారు.
ఈ ట్వీట్ కాసేపట్లోనే సోషల్మీడియాలో వైరల్గా మారింది. ఇది చూసిన ప్రభాస్ ఫ్యాన్స్ కొంతమంది అప్డేట్ ఇవ్వాలని కోరతుండగా మరికొంతమంది మాత్రం దర్శకుడిపై మండిపడుతున్నారు. పాన్‌ ఇండియా చిత్రంగా తెరకెక్కుతున్న ఈ సినిమాపై ఇప్పటికే భారీ అంచనాలు ఏర్పడ్డాయి. ఇందులో లంకేశుడి పాత్రలో బాలీవుడ్ స్టార్ సైఫ్ అలీఖాన్ నటిస్తున్నారు.