Fahadh Faasil First Look : లెక్కల మాస్టర్ సుకుమార్ దర్శకత్వంలో తెరకెక్కుతున్న'పుష్ప-2' సినిమా నుంచి తాజా అప్డేట్ను మూవీ మేకర్స్ రివీల్ చేశారు. సినిమాలోని కీలకపాత్ర పోషిస్తున్న ఫహాద్ ఫాజిల్ లుక్ను మంగళవారం విడుదల చేశారు. ఆయన పుట్టిరోజు సందర్భంగా మూవీ టీమ్ ఓ స్పెషల్ పోస్టర్తో విషెస్ చెప్పారు. ప్రస్తుతం ఈ పోస్టర్ నెట్టింట తెగ ట్రెండ్ అవుతోంది.
Fahadh Faasil Pushpa 2 : ఇక 'పుష్ప'లో ఫహాద్ ఫాజిల్.. ఎస్పీ భన్వర్ సింగ్ షెకావ‌త్‌గా కనిపించారు. మొదటి భాగంలోని క్లైమక్స్లో వచ్చి సందడి చేసిన ఆయన.. సినిమాలో కీలకంగా మారిపోయారు. అయితే ఆయన పాత్ర నిడివి తక్కువే అయినప్పటికీ.. తన నటనతో ప్రేక్షకులను మెరిపించారు. 'పార్టీ లేదా పుష్ప' అన్న ఒక్క డైలాగ్తో ఇప్పటికీ నెట్టింట ట్రెండ్ అవుతూనే ఉన్నారు. ఇక ఈ సీక్వెల్‌లో భన్వర్ సింగ్ షెకావత్ పాత్రకు సంబంధించిన చిత్రీకరణ పూర్తయినట్లు సమాచారం.
ఇప్పటికే 'పుష్ప2' సినిమాపై ఫ్యాన్స్ భారీ అంచనాలు పెట్టుకున్నారు. ఇక ఇటీవల ఓ ఇంటర్వ్యూలో మాట్లాడిన ఫహాద్.. ఆ అంచనాలను మరింత పెంచేశారు. రెండో భాగంలో తన పాత్ర నిడివి ఎక్కువగా ఉంటుందని చెప్పుకొచ్చారు. హీరోకు ఆ పాత్రకు మధ్య చాలా యాక్షన్‌ సన్నివేశాలు ఉంటాయని అన్నారు.