ETV Winలో మరో మూడు సూపర్​ హిట్​ మూవీస్​ - వీటిని అస్సలు మిస్ కావొద్దు!

ETV Win Latest Movies : #90s ఏ మిడిల్‌ క్లాస్‌ బయోపిక్‌ వంటి సూపర్ హిట్ సిరీస్​ స్ట్రీమింగ్ అవుతున్న ఈటీవీ విన్​లో మరో మూడు సూపర్ హిట్​ చిత్రాలు రిలీజ్​కు రెడీ అయ్యాయి. ఈ వారంలోనే అవి రాబోతున్నాయి! వాటి వివరాలు..

ETV Win Latest Movies : కేవలం రూ.1కే (రోజుకి) నాన్‌స్టాప్ వినోదాన్ని పంచే పక్కా తెలుగు ఓటీటీ 'ఈటీవీ విన్‌' (ETV WIN). పలు ఫన్ ఎంటర్​టైన్మెంట్​ షోస్​, సీరియల్స్​, వెబ్‌సిరీస్‌లు, క్లాసిక్‌ మూవీస్‌తో పాటు కొత్త కొత్త సినిమాలనూ అందిస్తోంది. ప్రస్తుతం ఈ ఓటీటీలో రీసెంట్​గా వచ్చిన #90s: ఏ మిడిల్‌ క్లాస్‌ బయోపిక్‌ ఎంతటి ప్రేక్షకాదరణ పొందిదో తెలిసిన విషయమే. అయితే ఇప్పుడు ఈ ఓటీటీలోకి మరో మూడు కొత్త‌ సినిమాలు ప్రేక్ష‌కుల ముందుకు రాబోతున్నాయి. ఈ చిత్రాల స్ట్రీమింగ్ డేట్స్‌ను ఈటీవీ విన్ ట్విట్ట‌ర్ ద్వారా అఫీషియ‌ల్‌గా అనౌన్స్‌ చేసింది.

లిటిల్ మిస్ నైనా : జాను ఫేమ్ గౌరి జీ కిష‌న్ ప్ర‌ధాన పాత్ర‌లో న‌టించిన చిత్రం 'లిటిల్ మిస్ నైనా'. జ‌న‌వ‌రి 25న ఓటీటీలో విడుదల కాబోతోంది. రొమాంటిక్ ఫ‌న్ ఎంట‌ర్‌టైన‌ర్‌గా రూపొందిన ఈ చిత్రానికి విష్ణుదేవ్ ద‌ర్శ‌క‌త్వం వ‌హించాడు. ఓ యువ‌తి ప్రేమ‌క‌థ‌కు ఎత్తు ఎలాంటి స‌మ‌స్య‌గా మారింద‌నే కాన్సెప్ట్‌తో ఈ చిత్రం రాబోతుంది. మలయాళంలో ఇప్పటికే విడుదలై ప్రశంసలను దక్కించుకుంది.

అథ‌ర్వ : కార్తిక్‌ రాజు, మిస్తీ చ‌క్ర‌వ‌ర్తి హీరో హీరోయిన్లుగా న‌టించిన అథ‌ర్వ చిత్రం జ‌న‌వ‌రి 18 నుంచి ఈటీవీ విన్​ ఓటీటీలో స్ట్రీమింగ్ కానుంది. క్రైమ్ ఇన్వేస్టిగేష‌న్ థ్రిల్ల‌ర్‌గా తెరకెక్కిన ఈ చిత్రానికి మ‌హేశ్​ రెడ్డి ద‌ర్శ‌క‌త్వం వ‌హించారు. ఓ జంట మ‌ర్డ‌ర్ మిస్ట‌రీని - క్లూస్ టీమ్‌లో ప‌నిచేసే అథ‌ర్వ అనే ఆఫీస‌ర్ ఎలా సాల్వ్ చేశారన్న‌ది ఈ చిత్ర కథాంశం. ఐరా, అర‌వింద్ కృష్ణ‌, క‌బీర్ సింగ్ దుహాన్ కీల‌క పాత్ర‌లు పోషించారు.

ప‌రంపోరుల్ - : తమిళ బ్లాక్‌బ‌స్ట‌ర్ మూవీ ప‌రంపోరుల్ ఫిబ్ర‌వ‌రి 1 నుంచి ఈటీవీ విన్ ఓటీటీలో స్ట్రీమింగ్ కానుంది. క్రైమ్ థ్రిల్ల‌ర్ క‌థాంశంతో చిన్న సినిమాగా రూపొందిన ఈ చిత్రం క‌మ‌ర్షియ‌ల్ విజయం సాధించింది. ఇందులో అమితాష్ ప్ర‌ధాన్‌, శ‌ర‌త్‌కుమార్ ముఖ్య పాత్ర‌లు పోషించారు. పురాత‌న విగ్ర‌హాల్ని చోరీ చేసే ఓ గ్యాంగ్ చుట్టూ సాగే క‌థ‌తో ఇది తెరకెక్కింది. డైరెక్ట‌ర్ సీ అర‌వింద్ రాజ్ ఈ చిత్రానికి దర్శకత్వం వహించారు.