బాలీవుడ్ స్టార్ హీరోయిన్ కంగనా రనౌత్ మరోసారి మెగాఫోన్ పట్టారు. ఇప్పటికే మణికర్ణిక చిత్రాన్ని తెరకెక్కించిన అనుభవం ఉన్న ఈ బాలీవుడ్ భామ.. ఇప్పుడు స్వీయదర్శకత్వంలో దివంగత నేత, మాజీ ప్రధాని ఇందిరా గాంధీ పాత్రలో నటిస్తున్నారు. ఎమర్జెన్సీ ప్రకటించడానికి కారణం, ఆ సమయంలో జరిగిన ఘటనలపై ఈ చిత్రం తెరకెక్కుతున్నట్లు తెలుస్తోంది. గురువారం ఈ చిత్రం షూటింగ్ ప్రారంభమైంది. ఈ సందర్భంగా ఎమర్జెన్సీ టీజర్ను రిలీజ్ చేశారు కంగనా. ఈ టీజర్కు నెటిజన్ల నుంచి మంచి రెస్పాన్స్ వస్తోంది. ఇందిరా గాంధీగా కంగనా లుక్, హావభావాలు చాలా పర్ఫెక్ట్గా ఉన్నాయంటూ కామెంట్లు చేస్తున్నారు.
ఇందిరా గాంధీగా కంగనా.. మరోసారి మెగాఫోన్.. 'ఎమర్జెన్సీ' షూటింగ్ షురూ
ఎమర్జెన్సీ సినిమా టీజర్ రిలీజైంది. ఇందిరా గాంధీగా కంగనా లుక్ చూసి అభిమానులు ఫిదా అవుతున్నారు. ఈ సినిమాకు కంగనానే దర్శకత్వం వహిస్తున్నారు. ఎమర్జెన్సీ దేశ రాజకీయ చరిత్రలో కీలకపాత్ర పోషించిందని అందుకే ఈ కథ చెప్పాలనుకుంటున్నట్లు కంగనా వెల్లడించారు.
కంగనా రనౌత్
"ఎమర్జెన్సీ దేశ రాజకీయ చరిత్రలో చాలా కీలకమైన సమయం. అధికారంపై మనం చూసే కోణాన్ని మార్చేసింది. అందుకే ఈ కథను చెప్పాలనుకుంటున్నాను" అని కంగనా టీజర్ రిలీజ్ సందర్భంగా పేర్కొన్నారు. 1975లో నాటి ప్రధాని ఇందిరా గాంధీ ఎమర్జెన్సీ ప్రకటించారు. 1977 వరకు దాదాపు 21 నెలల పాటు ఈ ఎమర్జెన్సీ కొనసాగింది. 'పింక్' ఫేమ్ రితీశ్ షా ఈ చిత్రానికి స్క్రీన్ప్లే, డైలాగులు అందించగా.. కంగనా, రేణు పిట్టీ సంయుక్తంగా ఈ సినిమాను నిర్మిస్తున్నారు. అన్నట్టు.. ఈ సినిమాకు కథ కూడా కంగనానే అందిస్తున్నారు. కంగనా.. ఇదివరకు దివంగత నేత, తమిళనాడు మాజీ సీఎం జయలలిత జీవితకథపై తెరకెక్కిన తలైవిలో కూడా ప్రధాన పాత్ర పోషించి మెప్పించారు.
ఇదీ చూడండి :మొదటి భార్య పేరు కలిసేలా.. దిల్రాజు కొడుకు పేరు..!