'డంకీ' రివ్యూ- బాద్​షా నటన అద్భుతం- షారుక్​ ఖాతాలో రూ.1000 కోట్ల సినిమా!

Dunki Movie Twitter Review In Telugu : బాలీవుడ్ బాద్​షా, కింగ్ ఖాన్ షారుక్ నటించిన కొత్త సినిమా 'డంకీ' ప్రేక్షకుల ముందుకు వచ్చేసింది. రాజ్ కుమార్ హిరాణీ దర్శకత్వం వహించిన ఈ మూవీ చూసిన ఆడియన్స్ ఏమంటున్నారంటే?

Dunki Movie Twitter Review In Telugu :బాలీవుడ్​ బాద్​షా షారుక్ ఖాన్ నటించిన కొత్త సినిమా 'డంకీ'. ఈ ఏడాది 'పఠాన్', 'జవాన్'తో రెండు భారీ విజయాలు అందుకున్న షారుక్​ మూడో సినిమాతో థియేటర్లలోకి వచ్చారు. ఇందులో తాప్సీ పన్ను, విక్కీ కౌశల్, విక్రమ్ కొచ్చర్, అనీల్ గ్రోవర్ ఇతర ప్రధాన పాత్రల్లో నటించారు.

ఈ చిత్రానికి బీటౌన్ స్టార్ డైరెక్టర్ రాజ్ కుమార్ హిరాణీ దర్శకత్వం వహించారు. తెలుగులో 'శంకర్ దాదా ఎంబీబీఎస్'గా రీమేక్ అయిన హిందీ సినిమా 'మున్నాభాయ్ ఎంబీబీఎస్' ఆయన తీసినదే. ఇంకా '3 ఇడియట్స్', 'సంజు', 'పీకే' వంటి బ్లాక్ బస్టర్ సినిమాలు తీశారు. మరి, ఆయన తీసిన కొత్త సినిమా 'డంకీ' ఎలా ఉంది? ఆల్రెడీ ప్రీమియర్ షోస్ చూసిన జనాలు ఏమంటున్నారు? ఎక్స్​(ట్విట్టర్)లో టాక్ ఏంటి?

షారుక్​ ఖాతాలో మరో రూ.1000 కోట్ల సినిమా!
'డంకీ'తో షారుక్​ ఖాన్ మరోసారి 1000 కోట్ల రూపాయల వసూళ్ళు సాధిస్తారని ఓ నెటిజన్ ట్వీట్ చేశారు. మరొక నెటిజన్ అయితే ఈ సినిమాను 'మాస్టర్ పీస్' అని పేర్కొన్నారు. షారుక్ ఖాన్ నటన అద్భుతమని కొనియాడారు. దర్శకుడు రాజ్ కుమార్ హిరాణీ దర్శకత్వ శైలి గురించి కూడా మాట్లాడుతున్నారు. మరోసారి ఆయన తన మేజిక్ రిపీట్ చేశారని, సినిమా అద్భుతంగా తీశారని పేర్కొన్నారు.

మరికొంతమంది నెటిజన్లు మిక్స్​డ్ రివ్యూ ఇచ్చారు. ''ఈ సినిమా విదేశాల్లో, ముఖ్యంగా అమెరికాలో సెటిలైన ఇండియన్స్ మళ్లీ స్వదేశానికి రావాలని కోరుకుంటారు కదా! వాళ్లీ కోసమే'' అని మరో నెటిజన్ ట్వీట్ చేశారు. సినిమా బోరింగ్ అని ఇంకొకరు పేర్కొన్నారు.

ఇది ఐదుగురు మిత్రుల కథ. విదేశాలకు వెళ్లాలంటే దండిగా డబ్బు ఉండాలి. ఆంగ్లం అనర్గళంగా మాట్లాడాలి. లండన్ వెళ్లాలని కలగనే ఈ ఫైవ్ ఫ్రెండ్స్ కి ఇంగ్లీష్ రాదు. డబ్బులు లేవు. ఎలాగైనా లండన్ వెళ్లాలని నిర్ణయించుకుంటారు. సక్రమ మార్గంలో ప్రయత్నించి విసిగిపోతాడు. అప్పుడు అక్రమ మార్గం ఎంచుకుంటారు. దొంగతనంగా లండన్​కు వెళ్లాలి అనుకుంటారు. మరి వారి ప్రయత్నం ఎంతవరకు సక్సెస్ అయ్యింది? ఈ ప్రయాణంలో ఎదురైన ఇబ్బందులు ఏంటి? అసలు వాళ్ళు లండన్ కి ఎందుకు వెళ్ళాలి అనుకుంటున్నారు? అనేది అసలు కథ..