DJ Tillu Square Radhika Song Released : టాలీవుడ్ యంగ్ హీరో సిద్ధు జొన్నలగడ్డ, హాట్ బ్యూటీ నేహా శెట్టి జంట నటించిన చిత్రం 'డీజే టిల్లు'. గతేడాది సాదారణ చిత్రంగా విడుదలైన ఈ సినిమా.. అంచనాలకు మించి బాక్సాఫీసు ముందు విజయం సాధించింది. అంత క్రేజ్‌ సొంతం చేసుకున్న ఈ చిత్రానికి సీక్వెల్ 'డీజే టిల్లు స్క్వేర్' తీస్తున్నట్లు గతంలో చిత్ర యూనిట్ ప్రకటించింది. అందులో హీరోయిన్గా అందాల నటి అనుపమ పరమేశ్వరన్ తీసుకున్నారు. ఈ సినిమాకు మల్లిక్‌ రామ్ దర్శకత్వం వహించారు.
ప్రస్తుతం షూటింగ్ దశలో ఉన్న ఈ మూవీ.. వచ్చే ఏడాది ఫిబ్రవరి 9న ప్రేక్షకుల ముందుకు రానుంది. అయితే తాజాగా ఈ మూవీ నుంచి అప్డేట్ ఇచ్చింది చిత్ర బృందం. 'రాధిక.. రాధిక..' అంటూ సాగే లిరికల్ సాంగ్ను రిలీజ్ చేసింది. సెన్సేషనల్ సింగర్ రామ్ మిర్యాల పాడిన ఈ పాట యూత్ను ఆకట్టుకునేలా ఉంది. దీనికి ముందు సిద్ధు చెప్పిన డైలాగ్ నవ్వులు పూయిస్తోంది.
DJ Tillu Square Crewఈ సీక్వెల్ను గతేడాది దీపావళికి ప్రకటించింది చిత్ర బృందం. మొదట ఈ చిత్రాన్ని ఈ ఏడాది సెప్టెంబర్‌ 15న విడుదల చేయాలని భావించారు. అయితే చిత్రీకరణ పూర్తి కాకపోవడం వల్ల వచ్చే ఏడాదికి వాయిదా వేశారు. సూర్యదేవర నాగ వంశీ నిర్మిస్తున్న ఈ చిత్రానికి రామ్ మిరియాల, శ్రీచరణ్ పాకాల సంగీతం అందిస్తున్నారు.