రెబల్ స్టార్ ప్రభాస్.. వరుస సినిమాలతో చాలా బిజీగా ఉన్నాడు. తనకు ఉన్న స్టార్ హోదాను చూపించకుండా.. అందరితో కలిసిపోతాడు ప్రభాస్. అందుకే ఇండస్ట్రీలో అందరూ అతన్ని 'డార్లింగ్' అంటుంటారు. ఏ సినిమా షూటింగ్ జరిగినా.. తన ఇంటి దగ్గర నుంచి వంటలు చేయించి.. యూనిట్లో అందరికి వడ్డించడం ప్రభాస్కు అలవాటు.
అయితే తన సినిమా షూటింగ్ కోసం ప్రత్యేకంగా వచ్చిన వారికైతే అదిరిపోయో ఆతిథ్యం ఇస్తాడు రెబల్స్టార్. ప్రభాస్ ఇంట్లో గోదావరి వంటకాలు చాలా స్పెషల్. రకరకాల వెరైటీలతో జీవితంలో.. మరిచిపోలేని భోజనాన్ని వడ్డిస్తాడు ప్రభాస్. అమితాబ్, దీపికా పదుకొణె.. ఇలా మంది హీరోయిన్లు, స్టార్ నటులు ప్రభాస్ ఇంటి భోజనం రుచి చూసిన వాళ్లే. తాజాగా బాలీవుడ్ నటి దిశా పటానీకి ప్రభాస్ తన ఇంటి వంట రుచులను టేస్ట్ చేయించాడు.