ప్రముఖ డైరెక్టర్ వెంకీ అట్లూరి ఓ ఇంటివాడు కాబోతున్నారు. పూజా అనే అమ్మాయితో త్వరలో ఆయన ఏడడుగులు వేయబోతున్నారు. సన్నిహితులు, కుటుంబసభ్యుల మధ్య సీక్రెట్గా, నిరాండబరంగా ఆయన నిశ్చితార్థం జరిగింది. ఇందుకు సంబంధించిన ఫొటోలను ఆయనే స్వయంగా తన ఇన్‌స్టాగ్రామ్‌ స్టోరీలో షేర్‌ చేశాడు. దీంతో ఈ ఫొటోలు నెట్టింట వైరల్గా మారాయి. దీంతో నెటిజన్లు, సినీ ప్రేక్షకులు ఆయనకు శుభాకాంక్షలు తెలుపుతున్నారు. ఈ వేడుకకు ప్రముఖ డైరెక్టర్ నాగ్‌ అశ్విన్‌ భార్య, మహానటి, సీతారామం చిత్రాల నిర్మాత స్వప్నదత్‌తో పాటు పలువురు సినీ ప్రముఖులు హాజరయ్యారు.
సీక్రెట్గా ప్రముఖ డైరెక్టర్ నిశ్చితార్థం.. ఫొటోస్ వైరల్ - దర్శకుడు వెంకీ అట్లూరీ పెళ్లి
ప్రముఖ డైరెక్టర్ వెంకీ అట్లూరి వివాహ బంధంలోకి అడుగుపెట్టబోతున్నారు. నేడు పూజా అనే అమ్మాయితో నిశ్చితార్థం చేసుకున్నారు.
సీక్రెట్గా ప్రముఖ డైరెక్టర్ నిశ్చితార్థం.. ఫొటోస్ వైరల్
కాగా వెంకీ అల్లూరి జ్ఞాపకం అనే చిత్రంతో హీరోగా పరిచయం అయ్యారు. ఆ తర్వాత స్నేహగీతం చిత్రంలో నటించడమే కాకుండా ఈ మూవీకి డైలాగ్స్‌ అందించారు. ఆ తర్వాత కేరింత, ఇట్స్‌ మై లవ్‌స్టోరీ చిత్రాలకు రైటర్‌గా పనిచేశారు. ఇక వరుణ్‌ తేజ్‌-రాశిఖన్నా తొలిప్రేమ మూవీతో డైరెక్టర్‌గా మారి తొలి హిట్‌ అందుకున్నారు. ఆ తర్వాత మిస్టర్‌ మజ్ను, రంగ్‌దే చిత్రాలకు దర్శకత్వం వహించారు. ప్రస్తుతం తమిళ స్టార్‌ హీరో ధనుష్‌తో 'సార్‌' చిత్రాన్ని చేస్తున్నారు. పాన్‌ ఇండియా స్థాయిలో ఈ చిత్రం తెరకెక్కుతోంది.
ఇదీ చూడండి:పద్మశ్రీ అవార్డ్ గ్రహీత, ప్రముఖ సింగర్ కన్నుమూత